| |
| folio 28r |
| |
| | | VERSE 1 |
| Ihc | pcms0001a | o | thyvgh lauara |
| pcms0001b | o | ow dyskyblyon |
| pcms0002a | o | pyseygh toythda |
| pcms0002b | o | ol kes-colon |
| pcms0003a | o | dev dreys pup tra |
| pcms0003b | o | evs a huhon |
| pcms0004a | o | theygh yn bys-ma |
| pcms0004b | o | y grath danvon |
| pcms0005 | | yn dyweth may feugh sylwys |
| pcms0006 | | gans an eleth yw golow |
| pcms0007 | | yn nef agas enefow |
| pcms0008 | | neffre a tryg hep ponow |
| pcms0009 | | yn ioy na vyth dywythys |
| |
| | | VERSE 2 |
| pcms0010a | o | thagan guythe |
| pcms0010b | o | ragh map an pla |
| pcms0011a | o | agan temptye |
| pcms0011b | o | pur feyl a wra |
| pcms0012a | o | prest yn pup le |
| pcms0012b | o | the gul drok tra |
| pcms0013a | o | ha dynaghe |
| pcms0013b | o | oberow da |
| pcms0014 | | del leuaraf theugh an guyr |
| pcms0015 | | lafurye a wra pup prys |
| pcms0016 | | Rak dry den the vos dampnys |
| pcms0017 | | the ponow na fe sylwys |
| pcms0018 | | henna ol yw y thysyr |
| |
| | | VERSE 3 |
| pcms0019a | o | yowynk ha lovs |
| pcms0019b | o | kyn fo tollys |
| pcms0020a | o | dre y deunos |
| pcms0020b | o | mercy gylwys |
| pcms0021a | o | scon y gallos |
| pcms0021b | o | a vyth lehys |
| pcms0022a | o | mercy yw scos |
| pcms0022b | o | the nep an pys |
| pcms0023 | | puppenagol a vo ef |
| pcms0024 | | pyiadow a luen colon |
| pcms0025 | | a wor the ves temptacion |
| pcms0026 | | na vo troplys y enef |
| |
| | | VERSE 4 |
| pcms0027a | o | ha me a pys |
| pcms0027b | o | ragovgh ow thas |
| pcms0028a | o | may fevgh sylwys |
| pcms0028b | o | dre y luen ras |
| pcms0029a | o | hagh ol kerghys |
| pcms0029b | o | dotho thy wlas |
| pcms0030a | o | yn ioy a pys |
| pcms0030b | o | hep stryf ha kas |
| pcms0031 | | yn certan gans an eleth |
| pcms0032 | | ny yv colon predyry |
| pcms0033 | | an tekter asbetheugh why |
| pcms0034 | | henna a vyth hep dyweth |
| |
| | | VERSE 5 |
| Petrus | pcms0035a | o | a mester whek |
| pcms0035b | o | gorthys re by |
| pcms0036a | o | pan wreth mar tek |
| pcms0036b | o | agan dysky |
| pcms0037a | o | asson whansek |
| pcms0037b | o | ol the pysy |
| pcms0038a | o | lettrys ha lek |
| pcms0038b | o | war thu mercy |
| |
| | | VERSE 6 |
| Andreas | pcms0039a | o | ol ny a pys |
| pcms0039b | o | yowynk ha hen |
| pcms0040a | o | war thu pup prys |
| pcms0040b | o | mercy gan ken |
| pcms0041a | o | may fen guythys |
| pcms0041b | o | rak an bylen |
| pcms0042a | o | hagh ol sylwys |
| pcms0042b | o | trank hep gorfen |
| |
| | | VERSE 7 |
| Ihc | pcms0043a | o | penys a reys |
| pcms0043b | o | ragh y terros |
| pcms0044a | o | may fo leheys |
| pcms0044b | o | mvr ay gallos |
| pcms0045a | o | dre ow fynys |
| pcms0045b | o | dev vgens nos |
| pcms0046a | o | thym devythys |
| pcms0046b | o | a wel the vos |
| |
| folio 28v |
| |
| | | VERSE 8 |
| Satanas | pcms0047 | | mara ieves yl dybbry |
| pcms0048 | | me a wor guyr yredy |
| pcms0049 | | yn certan nag ywe dew |
| pcms0050 | | my a vyn mos thy tempye |
| pcms0051 | | mar a callaf y tenne |
| pcms0052 | | the wuel glotny war nep tw |
| |
| | | VERSE 9 |
| pcms0053 | | sur awos ol ow gallos |
| pcms0054 | | byth ny allaf yn ow ros |
| pcms0055 | | the wul pegh vyth y cachye |
| pcms0056 | | den yw the pup the weles |
| pcms0057 | | saw y ober hay thyskes |
| pcms0058 | | pup ol a wra tremene |
| |
| | | VERSE 10 |
| pcms0059 | | thyso gy y leuara |
| pcms0060 | | mar sos map dev awartha |
| pcms0061 | | dysempys argh ha lavar |
| pcms0062 | | then cals meyn-ma bos bara |
| pcms0063 | | me a worthvyth yn vr-na |
| pcms0064 | | pyth yw the gallos hep mar |
| |
| | | VERSE 11 |
| Ihc | pcms0065 | | map den hep ken ys bara |
| pcms0066 | | byth nyn ieves ol bewnes |
| pcms0067 | | leman yn leuarow da |
| pcms0068 | | a thue thyworth an drenses |
| pcms0069 | | ow dyscyblyon dre henna |
| pcms0070 | | leman why a yl gueles |
| pcms0071 | | laver dev maga del wra |
| pcms0072 | | neb a yl y kemeres |
| |
| | | VERSE 12 |
| Johannes | pcms0073 | | a mester ker caradow |
| pcms0074 | | del leueryth my a grys |
| pcms0075 | | y fyth agan enefow |
| pcms0076 | | dre leuarow dev mygys |
| pcms0077 | | ha fethys an dywolow |
| pcms0078 | | yn lyfryow del yw scryfys |
| pcms0079 | | ny kerghys then nef golow |
| pcms0080 | | yn ioy vynytha a pys |
| |
| | | VERSE 13 |
| Satanas | pcms0081 | | mar sos dev a nef golow |
| pcms0082 | | dysqua lemman marthusow |
| pcms0083 | | may allyf vy y weles |
| pcms0084 | | ke war pynakyl temple |
| pcms0085 | | hagh ena gura ysethe |
| pcms0086 | | nynsyw thys tyller pur es |
| |
| | | VERSE 14 |
| Ihc | pcms0087 | | my a vyn mos ow honan |
| pcms0088 | | war an pynakyl yn ban |
| pcms0089 | o | the ysethe |
| pcms0090 | | yma thymmo yn certan |
| pcms0091 | | the wruthyl vn pols byhan |
| pcms0092 | o | takclow pryve |
| |
| | | VERSE 15 |
| Satanas | pcms0093 | | huhel ythos ysethys |
| pcms0094 | | ha dyantel rom laute |
| pcms0095 | | yn lyvyr yma scryfys |
| pcms0096 | | bos eleth worth the wythe |
| pcms0097 | | ragh ovn the vos desesys |
| pcms0098 | | the tros worth men py stige |
| pcms0099 | | mar sos map dev a mur prys |
| pcms0100 | | dyyskyn ha then dor ke |
| |
| | | VERSE 16 |
| Ihc | pcms0101 | | yma scryfys yn lyfryow |
| pcms0102 | | ny goth thys temptie the thew |
| pcms0103 | o | yn nep maner |
| pcms0104 | | saw the arluth dev an nef |
| pcms0105 | | y coth thys y worthye ef |
| pcms0106 | o | yn pup tyller |
| |
| | | VERSE 17 |
| pcms0107 | | dvn alemma cowythe |
| pcms0108 | | war menythyow the wandre |
| pcms0109 | o | ha the pigy |
| pcms0110 | | ow thas ker a thy-lawe |
| pcms0111 | | dre y voth thagas gwythe |
| pcms0112 | o | ragh terrygy |
| |
| folio 29r |
| |
| | | VERSE 18 |
| Andreas | pcms0113 | | ol del vynny arluth ker |
| pcms0114 | | my a wra yn pup tyller |
| pcms0115 | | hedre veyn bev yn bys-ma |
| pcms0116 | | gans penys ha gologhas |
| pcms0117 | | my a pys dev mer y ras |
| pcms0118 | | danvon gras thynny omma |
| |
| | | VERSE 19 |
| Bartholomeus | pcms0119 | | mester ker re by gorthys |
| pcms0120 | | del goth gans tus ol an bys |
| pcms0121 | | ragh the thescas yv pur da |
| pcms0122 | | guyn y vys a vo trigys |
| pcms0123 | | yn the seruys ragh tristys |
| pcms0124 | | nyn dy gemmer vynytha |
| |
| | | VERSE 20 |
| Satanas | pcms0125 | | ot omma meneth huhel |
| pcms0126 | | ha me a thysque thys guel |
| pcms0127 | o | a veur a pow |
| pcms0128 | | ol an bys-ma ty a fyth |
| pcms0129 | | cole worthyf mar mynnyth |
| pcms0130 | o | yn sur hep gow |
| |
| | | VERSE 21 |
| pcms0131 | | myr lowene ol an bys |
| pcms0132 | | cytes rych trevow a brys |
| pcms0133 | | castilly bras bagh huhel |
| pcms0134 | | ol an re-ma ty a fyth |
| pcms0135 | | ow gorthye mara mennyth |
| pcms0136 | | war pen the thew glyn ysel |
| |
| | | VERSE 22 |
| Ihc | pcms0137 | | ty sathnas deawl mylygys |
| pcms0138 | | yma scryfys yn lyfryow |
| pcms0139 | | yn pup maner y coth thys |
| pcms0140 | | gorthye the dev hay hanow |
| pcms0141 | | ke the ves ymskemenys |
| pcms0142 | | yn defyth yn tewolgow |
| pcms0143 | | the vestry a vyth leyhys |
| pcms0144 | | neffre war an enevow |
| |
| | | VERSE 23 |
| Satanas | pcms0145 | | go vy vyth pan yth thotho |
| pcms0146 | | pan of fythys thyworto |
| pcms0147 | o | ter-gwyth hythew |
| pcms0148 | | han maystri bras ol am bo |
| pcms0149 | | my ren collas quyt dretho |
| pcms0150 | o | may canaf trew |
| |
| | | VERSE 24 |
| Deus pater | pcms0151 | | ow eleth sevegh yn ban |
| pcms0152 | | evgh alemma ahanan |
| pcms0153 | | the seruye ow map kerra |
| pcms0154 | | re fethas an fals ievan |
| pcms0155 | | hythyw ter-gwyth yn certan |
| pcms0156 | | gvyn vys nep an gorth yn ta |
| |
| | | VERSE 25 |
| Michael | pcms0157 | | a tas dev gallosek fest |
| pcms0158 | | the gorhemynnadow prest |
| pcms0159 | o | sur ny a wra |
| pcms0160 | | ihesus crist the vn vap ker |
| pcms0161 | | my an serf gans onor mer |
| pcms0162 | o | ha maria |
| |
| | | VERSE 26 |
| Gabriel | pcms0163 | | ihesus crist lowene thys |
| pcms0164 | | myghtern os war nef han bys |
| pcms0165 | | hagh arluth fest gallosek |
| pcms0166 | | the tas ker a thy-lawe |
| pcms0167 | | ren danvonas theth servye |
| pcms0168 | | rak mur thotho ty a plek |
| |
| | | VERSE 27 |
| Ihc | pcms0169a | o | gorthyans ha gras |
| pcms0169b | o | the dev ow thas |
| pcms0170 | o | luen a vercy |
| pcms0171a | o | pan danvonas |
| pcms0171b | o | yn onor bras |
| pcms0172 | o | thym servysi |
| |
| folio 29v |
| |
| | | VERSE 28 |
| pcms0173 | | ens y dev am dyscyblyon |
| pcms0174 | | then castel vs a ragon |
| pcms0175 | | a thysempys hep lettye |
| pcms0176 | | ena why a gyf asen |
| pcms0177 | | hagh ebel yn vn golmen |
| pcms0178 | | drew y thymmo vy wharre |
| |
| | | VERSE 29 |
| pcms0179 | | ha mar a leuer den vyth |
| pcms0180 | | er agas pyn why tra vyth |
| pcms0181 | | ware guregh y gorthyby |
| pcms0182 | | then arluth ethom yma |
| pcms0183 | | the wruthyl gans an re-na |
| pcms0184 | | ef as dylyrf genogh why |
| |
| | | VERSE 30 |
| Jacobus major | pcms0185 | | arluth ker the arhadow |
| pcms0186 | | my an gura hep falladow |
| pcms0187 | | kepar del yrghsys thynny |
| pcms0188 | | dvn yn kerth ow bruder whek |
| pcms0189 | | me a gevs thotho mur dek |
| pcms0190 | | na sconyer pendra wreny |
| |
| | | VERSE 31 |
| Matheus | pcms0191 | | my a gynes yn lowen |
| pcms0192 | | hagh a thoro an asen |
| pcms0193 | | genen han ebel keffrys |
| pcms0194 | | yn hanow an tas huhel |
| pcms0195 | | ke aberveth yn castel |
| pcms0196 | | a thyragof my ath pys |
| |
| | | VERSE 32 |
| Jacobus major | pcms0197 | | en tas dev a wruk pup tra |
| pcms0198 | | joy thyn hythev gruthyl da |
| pcms0199 | | amen pigyn yn perfyth |
| pcms0200 | | otte an asen omma |
| pcms0201 | | han ebel kelmys yma |
| pcms0202 | | gynsy gueres or the fyth |
| |
| | | VERSE 33 |
| Custos | pcms0203 | | cowethe thym lauerewgh |
| pcms0204 | | yn scon pragh yth hembrenkygh |
| pcms0205 | | ov enevalles the ves |
| Matheus | pcms0206 | | the worthyby me a wra |
| pcms0207 | | then arluth the wul yma |
| pcms0208 | | dre the voth ganse nebes |
| |
| | | VERSE 34 |
| Custos | pcms0209 | | ol thy voth as kymerens |
| pcms0210 | | aban vynne yn della |
| pcms0211 | | me a vynse a talfens |
| pcms0212 | | myl pvns thotho a our da |
| |
| | | VERSE 35 |
| Jacobus major | pcms0213 | | guyr yv y vones arluth |
| pcms0214 | | hay ober a pref henna |
| pcms0215 | | nep nan gorthyo del thegouth |
| pcms0216 | | nynsyw den fur del gresa |
| |
| | | VERSE 36 |
| Matheus | pcms0217 | | mester whek thys lowyne |
| pcms0218 | | otte an asen gene |
| pcms0219 | | han ebel thyso keffrys |
| pcms0220 | | war y heyn ragh the eysye |
| pcms0221 | | dyllas me a vyn lese |
| pcms0222 | | yskyn yn ban mar syw prys |
| |
| | | VERSE 37 |
| Ihc | pcms0223 | | ow tas ynny wolowys |
| pcms0224 | | re bo gueres theugh pup prys |
| pcms0225 | | worth temptacyon an tebel |
| pcms0226 | | ma gas bo lowyne nef |
| pcms0227 | | pan vyrwyf thagas enef |
| pcms0228 | | dywysys owgh dewthek lel |
| |
| | | VERSE 38 |
| Puer i | pcms0229 | | newethow mere clewes |
| pcms0230 | | bones ihesus bynyges |
| pcms0231 | | ow tos omma then cite |
| pcms0232 | | er y byn mennaf mones |
| pcms0233 | | me a garse y weles |
| pcms0234 | | ef yw dev luen a pite |
| |
| | | VERSE 39 |
| Puer ii | pcms0235a | o | ol ny a vyn |
| pcms0235b | o | mos er y byn |
| pcms0236 | o | rak y worthe |
| pcms0237a | o | dev a mercy |
| pcms0237b | o | the pup huny |
| pcms0238 | o | sur ythywe |
| |
| | | VERSE 40 |
| Puer iii | pcms0239a | o | fleghes ebbrow |
| pcms0239b | o | dvn yn vn rew |
| pcms0240 | o | scon hep lettye |
| pcms0241a | o | er byn ihesu |
| pcms0241b | o | neb yv guyr dev |
| pcms0242 | o | ow tos then dre |
| |
| | | VERSE 41 |
| Puer iv | pcms0243 | | yn kettella ny a vyn |
| pcms0244 | | branchys olyf pan kyffyn |
| pcms0245 | | me a seta thyragtho |
| pcms0246 | | hagh an gorth guel hagh yllyn |
| pcms0247 | | peb ol war pen y dev glyn |
| pcms0248 | | a gan yn gorthyans dotho |
| |
| | | VERSE 42 |
| Puer v | pcms0249 | | ma ny gaffaf branchys vas |
| pcms0250 | | me a thystryp ow dyllas |
| pcms0251 | | hagh as set y dan y treys |
| pcms0252 | | hagh a gan thagan sylwyas |
| pcms0253 | | bynyges yv map a ras |
| pcms0254 | | yn hanow dev devethys |
| |
| | | VERSE 43 |
| Puer vi | pcms0255 | | me a vyn sur yn della |
| pcms0256 | | dysky ow dyllas guella |
| pcms0257 | | ha tywlel a thyragtho |
| pcms0258 | | yma gynef flowrys tek |
| pcms0259 | | yn onor thum arluth whek |
| pcms0260 | | aga skulye yn danno |
| |
| | | VERSE 44 |
| Puer vii | pcms0261a | o | palm ha bayys |
| pcms0261b | o | byxyn erbys |
| pcms0262 | o | gynef yma |
| pcms0263a | o | arluth a nef |
| pcms0263b | o | guyth ow enef |
| pcms0264 | o | rak pup drok tra |
| |
| | | VERSE 45 |
| Ihc | pcms0265 | | ow benneth ol ragas bo |
| pcms0266 | | ow tos yn onor thymmo |
| pcms0267 | | gans branchis flourys kefrys |
| pcms0268 | | vn deyth a thue yredy |
| pcms0269 | | man taluethaf ol thywhy |
| pcms0270 | | kemmys enor thym yv gurys |
| |
| | | VERSE 46 |
| Puer i | pcms0271 | | map dauid thys lowyne |
| pcms0272 | | me ath pys agan sawye |
| pcms0273 | | haghan dry the wlascor nef |
| pcms0274 | | bynyges yv neb a thue |
| pcms0275 | | yn hanow dev thy-lawe |
| pcms0276 | | myghtern israel arluth cref |
| |
| | | VERSE 47 |
| Puer ii | pcms0277 | | lowene thys map dauid |
| pcms0278 | | map dev os ha den yn weyth |
| pcms0279 | | saw ol the len servygy |
| pcms0280 | | rak the vones dyvythys |
| pcms0281 | | yn hanow dev bynygys |
| pcms0282 | | me a grys the vos deffry |
| |
| | | VERSE 48 |
| Puer iii | pcms0283 | | deffry bynyges ty yv |
| pcms0284 | | guyn bys a allo bos guyv |
| pcms0285 | | yn certan len theth gorthye |
| pcms0286 | | hep tovl pur wyr me a grys |
| pcms0287 | | drethos y fythyn sylwys |
| pcms0288 | | a vap dev thys lowyne |
| |
| | | VERSE 49 |
| Puer iv | pcms0289a | o | lowene thys |
| pcms0289b | o | arluth an bys |
| pcms0290 | o | ha nef yn weth |
| pcms0291a | o | ro thymmo grath |
| pcms0291b | o | a thos theth plath |
| pcms0292 | o | gans the eleth |
| |
| | | VERSE 50 |
| Puer v | pcms0293a | o | lowyne sur |
| pcms0293b | o | then dev yv pur |
| pcms0294 | o | ha den keffrys |
| pcms0295a | o | drethos the gy |
| pcms0295b | o | y fyth ol ny |
| pcms0296 | o | yn guyr sawys |
| |
| | | VERSE 51 |
| Puer vi | pcms0297a | o | ihesu a ras |
| pcms0297b | o | yw map ha tas |
| pcms0298 | o | luen a mercy |
| pcms0299a | o | ol ny a pys |
| pcms0299b | o | lowene thys |
| pcms0300 | o | yn pur deffry |
| |
| | | VERSE 52 |
| Puer vii | pcms0301 | | ihesus whek a natharet |
| pcms0302 | | lowyne thyso hep let |
| pcms0303 | | ha mur onor yn teffry |
| pcms0304 | | ty yw sylwador an beys |
| pcms0305 | | ha henna sur me a greys |
| pcms0306 | | ahanaf kymer mercy |
| |
| | | VERSE 53 |
| Ihc | pcms0307 | | lemman warbarth ow fleghys |
| pcms0308 | | ow bennath thywhy pup prys |
| pcms0309 | | clewys vyth agas desyr |
| pcms0310 | | why a vyth aquyttys da |
| pcms0311 | | rak an onor yn tor-ma |
| pcms0312 | | a wrussough thymmo pur wyr |
| |
| | | VERSE 54 |
| pcms0313 | | me a vyn dyeskenne |
| pcms0314 | | ha mos yn tempil ware |
| pcms0315 | | the weles ol an fer-nA |
| pcms0316 | | yn chy dev mar sues marghas |
| pcms0317 | | me as chas yn mes pup guas |
| pcms0318 | | hag a tevyl aga guara |
| |
| | | VERSE 55 |
| Cayphas | pcms0319 | | leuereugh thym cowethe |
| pcms0320 | | pyw henna a thue then tre |
| pcms0321 | | war keyn asen hagh ebel |
| pcms0322 | | ow mos war tu an temple |
| pcms0323 | | me a grys y kemerse |
| pcms0324 | | weth an uyl kyngys marwel |
| |
| | | VERSE 56 |
| Pannarius | pcms0325 | | ef yv an profus jhesu |
| pcms0326 | | a leuer y vos map dv |
| pcms0327 | o | a nef huhel |
| pcms0328 | | divithys a nazare |
| pcms0329 | | tre a wlascor galile |
| pcms0330 | o | pur thyowgel |
| |
| | | VERSE 57 |
| Ihc | pcms0331 | | why guycoryon eugh yn mes |
| pcms0332 | | y thesough ov kuthyl ges |
| pcms0333 | | a thu hag e sans eglos |
| pcms0334 | | yn ow thy a piyadow |
| pcms0335 | | pan wreugh agas marhasow |
| pcms0336 | | ha fowys the laddron plos |
| |
| | | VERSE 58 |
| Mercenarius | pcms0337 | | lauar lemyn ty jhesu |
| pcms0338 | | pan drok vo yn a-ver-tu |
| pcms0339 | | a thysquythysta thynny |
| pcms0340 | | pan wreta mar coynt fara |
| pcms0341 | | ow scollye agan guara |
| pcms0342 | | han fer orth y tystrywy |
| |
| | | VERSE 59 |
| Ihc | pcms0343 | | tokyn thyugh marny thyswe |
| pcms0344 | | kyn fe dyswrys an temple |
| pcms0345 | | then dor quyt na safe man |
| pcms0346 | | me an dreha sur arte |
| pcms0347 | | kyns pen trydyth rum laute |
| pcms0348 | | teke ages kyns y van |
| |
| | | VERSE 60 |
| Pannarius | pcms0349 | | henna yw pur scorn ha geys |
| pcms0350 | | ragh y fue kyns y vos gurys |
| pcms0351 | | dew vgens blythen ha whe |
| pcms0352 | | hagh yn triddyth dyowgel |
| pcms0353 | | ef a wra y trehevel |
| pcms0354 | | kyn fe terrys ol ay le |
| |
| | | VERSE 61 |
| Pilatus | pcms0355 | | me a vyn mos then tempel |
| pcms0356 | | gollohas ragh leuerel |
| pcms0357 | | ha pigy war thu iovyn |
| pcms0358 | | me a grys bones an gvas |
| pcms0359 | | ihesu ow kul maystri bras |
| pcms0360 | | dyswel en fer ef a vyn |
| |
| | | VERSE 62 |
| Mercenarius | pcms0361 | | heyl syr cayfas epscop stovt |
| pcms0362 | | may des ihesu an guas prout |
| pcms0363 | | re wruk re maystry yn dre |
| pcms0364 | | hagh ef thyn re leuerys |
| pcms0365 | | kyn fe an temple dyswrys |
| pcms0366 | | yn tri dyth yn dreafse |
| |
| | | VERSE 63 |
| Cayphas | pcms0367 | | gow a leuer an iaudyn |
| pcms0368 | | ef an pren re synt iovyn |
| pcms0369 | | mar ny thynagh y whethlow |
| pcms0370 | | ot an iustys ow tos thyn |
| pcms0371 | | anotho ef grens del vyn |
| pcms0372 | | pan glevfo y lauarow |
| |
| | | VERSE 64 |
| Pilatus | pcms0373 | | syr cayphas thys lowene |
| pcms0374 | | pan faryng vs yn temple |
| pcms0375 | | gans ihesu an fals brybor |
| pcms0376 | | ef re thyswrug an marhas |
| pcms0377 | | yma ow kul maystry bras |
| pcms0378 | | rak mennas cafos enor |
| |
| | | VERSE 65 |
| Cayphas | pcms0379 | | wolcom pilat by thys day |
| pcms0380 | | ef re wruk mur a theray |
| pcms0381 | | dre goth y wruk leuerel |
| pcms0382 | | kyn fe dyswrys an temple |
| pcms0383 | | yn tri dyth yn drehafse |
| pcms0384 | | bythqueth whet na feve guel |
| |
| | | VERSE 66 |
| Pilatus | pcms0385 | | ef ny wra lemyn bostye |
| pcms0386 | | pup den yn bys-ma a wor |
| pcms0387 | | den vythol nan drehafse |
| pcms0388 | | yn try dyth wyth war nep cor |
| pcms0389 | | me a vyn y examyne |
| pcms0390 | | y threheuel mar a kor |
| pcms0391 | | y coth thyn ol y worthye |
| pcms0392 | | kefrys yn tyr hag yn mor |
| |
| | | VERSE 67 |
| Cecus | pcms0393 | | jhesu arluth luen a ras |
| pcms0394 | | kepar del ose sylwyas |
| pcms0395 | | me ath pys yn cheryte |
| pcms0396 | | a sawye ow dew lagas |
| pcms0397 | | bythqueth whet tebel na mas |
| pcms0398 | | ny wylys ganse banne |
| |
| | | VERSE 68 |
| Claudus | pcms0399 | | ha me effreth sur ath pys |
| pcms0400 | | awos an tas bynygeys |
| pcms0401 | | ro thym ow kerth dre the ras |
| pcms0402 | | ha venytha me a grys |
| pcms0403 | | the vos a werghes genys |
| pcms0404 | | map dev agan dysprynnyas |
| |
| | | VERSE 69 |
| Ihc | pcms0405 | | me agas saw yn lowen |
| pcms0406 | + | in nomine patris et filii |
| pcms0407 | + | et spiritus sancti amen |
| pcms0408 | | transite a me sani |
| |
| | | VERSE 70 |
| Cecus | pcms0409 | | a ihesu whek luen a ras |
| pcms0410 | | lemyn gans ow dev lagas |
| pcms0411 | o | sur me a wel |
| pcms0412 | | ty yw arluth nef ha beys |
| pcms0413 | | pur wyr henna me a greys |
| pcms0414 | o | gans ol ow nel |
| |
| | | VERSE 71 |
| Claudus | pcms0415a | o | a arluth whek |
| pcms0415b | o | saw of ha tek |
| pcms0416 | o | a pup cleves |
| pcms0417a | o | dreys pup huny |
| pcms0417b | o | pur wyr os gy |
| pcms0418 | o | sur bynyges |
| |
| | | VERSE 72 |
| Puer i | pcms0419 | | map dauid thys lowene |
| pcms0420 | | bynyges os dres pup ol |
| pcms0421 | | me ath pys scryf ow ene |
| pcms0422 | | pan vyf marow yn the rol |
| |
| | | VERSE 73 |
| Puer ii | pcms0423 | | lowene thys map dauid |
| pcms0424 | | del os dreys pup bynygys |
| pcms0425 | | map dev os ha den yn weyd |
| pcms0426 | | yn y hanow dyvythys |
| |
| | | VERSE 74 |
| Puer iii | pcms0427 | | ihesu myghtern ysrael |
| pcms0428 | | me a bys thys lowene |
| pcms0429 | | kergh thys ov ene gans el |
| pcms0430 | | pan wraf an beys tremene |
| Pilatus | pcms0431 | | ihesu pendra leuerta |
| pcms0432 | | an fleghys vs ow cane |
| pcms0433 | | yowynkes menogh a wra |
| pcms0434 | | yn yowynkneth mur notye |
| |
| | | VERSE 75 |
| Ihc | pcms0435 | | yn lyfryow scryfys yma |
| pcms0436 | | bos collenwys lowene |
| pcms0437 | | a ganow an fleghys da |
| pcms0438 | | han re mvnys ow tene |
| Pilatus | pcms0439 | | ny amont travyth hemma |
| pcms0440 | | cayphas ny yllyn spedye |
| pcms0441 | | yma ol tus an bys-ma |
| pcms0442 | | yn certan worth y sywe |
| |
| | | VERSE 76 |
| Cayphas | pcms0443 | | ny wothogh pendra gevseugh |
| pcms0444 | | na pendra a bryge wreugh |
| pcms0445 | | me a leuer though warre |
| pcms0446 | | guel yv vn den the verwel |
| pcms0447 | | ages ol an bobyl lel |
| pcms0448 | | the vos keyllys rum laute |
| |
| | | VERSE 77 |
| Pilatus | pcms0449 | | re iovyn arluth an beys |
| pcms0450 | | del leueryth a vyth gurys |
| pcms0451 | | then plosek guas aflythys |
| pcms0452 | | me a cache an basadow |
| pcms0453 | | pop-ay-du yn lauarow |
| pcms0454 | | worte den na woslewys |
| |
| | | VERSE 78 |
| Symon leprosus | pcms0455 | | syre arluth me ath peys |
| pcms0456 | | a thybry gynef vn prys |
| pcms0457 | | dre the voth hath dyskyblon |
| pcms0458 | | ragh yma bos parusys |
| pcms0459 | | thyso ha thethe kefrys |
| pcms0460 | | yn plas vs omma rybon |
| |
| | | VERSE 79 |
| Ihc | pcms0461 | | me a genes yn lowen |
| pcms0462 | | ham dyscyblyon kettep pen |
| pcms0463 | o | theth arhadow |
| pcms0464 | | peder androw ha iowan |
| pcms0465 | | symon jud dun ahanan |
| pcms0466 | o | hep falladow |
| |
| | | VERSE 80 |
| Judas | pcms0467 | | arluth henna yv gurys da |
| pcms0468 | | why a wor pyth yw guella |
| pcms0469 | o | theugh the wruthyl |
| pcms0470 | | guel ys ol tus an bys-ma |
| pcms0471 | | del os dalleth a pup tra |
| pcms0472 | o | y reyth kusyl |
| |
| | | VERSE 81 |
| Maria magd | pcms0473 | | me a vyn mos the vre |
| pcms0474 | | ow arluth treys ha devle |
| pcms0475 | | gans onement ker yn certan |
| pcms0476 | | ha war y pen y scullye |
| pcms0477 | | a pup squythens y sawye |
| pcms0478 | | hagh ylye y vrewvan |
| |
| | | VERSE 82 |
| pcms0479 | | mester whek thys lowene |
| pcms0480 | | me a vyn theth treys amme |
| pcms0481 | | dre the voth ken nag of gvyw |
| pcms0482 | | yma daggrow ow klybye |
| pcms0483 | | the dreys rak evn kerenge |
| pcms0484 | | saw me as segh gans ow blew |
| |
| | | VERSE 83 |
| pcms0485 | | ow box mennaf the terry |
| pcms0486 | | a dal mur a vone da |
| pcms0487 | | war the pen y thenewy |
| pcms0488 | | ha war the treys magata |
| |
| | | VERSE 84 |
| Symon leprosus | pcms0489 | | a pe profus bynyges |
| pcms0490 | | yn sur ef a wothfye |
| pcms0491 | | y bos hy peghadures |
| pcms0492 | | nys gasse thy ylye |
| |
| | | VERSE 85 |
| Ihc | pcms0493 | | symon del of yrvyrys |
| pcms0494 | | yma thymmo rum laute |
| pcms0495 | | nebes the leuerel thys |
| pcms0496 | | gosleuw orthyf vy wharre |
| Symon leprosus | pcms0497 | | mester lauar dysempys |
| pcms0498 | | yn scon dymmo hep lettye |
| pcms0499 | | an dra vs sur war the vreys |
| pcms0500 | | er-the-byn ny wraf sconye |
| |
| | | VERSE 86 |
| Ihc | pcms0501 | | kyns y vn teller yn beys |
| pcms0502 | | dev kendoner yth ege |
| pcms0503 | | the vn dettor me a grys |
| pcms0504 | | an nyl thotho a delle |
| pcms0505 | | pymp cans dyner monyys |
| pcms0506 | | ha hanter cans y gyle |
| pcms0507 | | ys gavas thethe keffrys |
| pcms0508 | | rak nys teve man thy pe |
| |
| | | VERSE 87 |
| pcms0509 | | lauar thymmo a ver spys |
| pcms0510 | | py nyl o mogha sengys |
| pcms0511 | | an keth den-ma the care |
| Symon leprosus | pcms0512 | | me a re scon gorthyp thys |
| pcms0513 | | neb may fe moghya geffys |
| pcms0514 | | a gar moghye yn pup le |
| |
| | | VERSE 88 |
| Ihc | pcms0515 | | certan guyr vres yv honna |
| pcms0516 | | ty a wel an venen-ma |
| pcms0517 | | whet aban thuthe yth chy |
| pcms0518 | | golhy ow treys ny hyrsys |
| pcms0519 | | homma gans daggrow keffrys |
| pcms0520 | | res holhas yn surredy |
| |
| | | VERSE 89 |
| pcms0521 | | gans y blew y fons syhys |
| pcms0522 | | bythqueth bay thym ny ryssys |
| pcms0523 | | ha homma vyth ny sestyas |
| pcms0524 | | aban duthe yn chy thys |
| pcms0525 | | pup vr ol amme thum treys |
| pcms0526 | | ham pen ol hy rum vras |
| |
| | | VERSE 90 |
| pcms0527 | | ha rak henna yn certan |
| pcms0528 | | warbarth ol y feghas gvlan |
| pcms0529 | | dethy hy y feyth gyfys |
| pcms0530 | | ragh kemmys hy thom care |
| pcms0531 | | the fay re wruk the sawye |
| pcms0532 | | ke yn cres lauaraf thys |
| |
| | | VERSE 91 |
| Judas | pcms0533 | | pyth yv an ethom vye |
| pcms0534 | | an onyment ker y skullye |
| pcms0535 | | ef a galse bos guyrthys |
| pcms0536 | | a try cans dyner ha moy |
| pcms0537 | | ha re-na galser the rey |
| pcms0538 | | the voghesegyon yn beys |
| |
| | | VERSE 92 |
| Ihc | pcms0539 | | na thegovgh sor yn colon |
| pcms0540 | | worth neb a wra ow vre |
| pcms0541 | | rak ow thorment a the scon |
| pcms0542 | | genogh nam byve tryge |
| pcms0543 | | why a gyf bohosugyon |
| pcms0544 | | pup vr warnogh ow karme |
| pcms0545 | | pan vynnogh agas honon |
| pcms0546 | | why a gyl gul da thethe |
| |
| | | VERSE 93 |
| pcms0547 | | en keth oynement a scollyas |
| pcms0548 | | warnaf rak ow anclythyas |
| pcms0549 | | hy an gruk dre kerense |
| pcms0550 | | puppenak ma fo redys |
| pcms0551 | | an awayl-ma taveth lys |
| pcms0552 | | hy a vyth pur wyr neffre |
| |
| | | VERSE 94 |
| Cayphas | pcms0553 | | ow map-lyen kergh annas |
| pcms0554 | | an pryns may hyllyf clewas |
| pcms0555 | | pyth yw an gusyl wella |
| pcms0556 | | the wruthil worth an treytor |
| pcms0557 | | may ma lyes gvrek ha govr |
| pcms0558 | | ow treyle thotho touth-da |
| |
| | | VERSE 95 |
| Crociarius | pcms0559 | | syre me a wra hep fovt |
| pcms0560 | | farwel ow benneth gynes |
| pcms0561 | | da vye kyns dos sabovt |
| pcms0562 | | dyswruthyl an fals profes |
| |
| | | VERSE 96 |
| pcms0563 | | lowene thys syr pryns gay |
| pcms0564 | | syr cayfas gynef par-fay |
| pcms0565 | | ath dynyrghys hag ath pys |
| pcms0566 | | a thos thotho bys yn tre |
| pcms0567 | | dre the voth thy cusullye |
| pcms0568 | | worth ihesu pandra vyth grueys |
| |
| | | VERSE 97 |
| Princeps annas | pcms0569 | | me a thotho yn lowen |
| pcms0570 | | del ywe ow syre da |
| pcms0571 | | rak dyswythyl an bylen |
| pcms0572 | | mar kevs erbyn a laha |
| |
| | | VERSE 98 |
| pcms0573 | | hayl cayfas syr epscob stovt |
| pcms0574 | | dek can quyth thys lowene |
| Cayphas | pcms0575 | | wolcom by mahommys blout |
| pcms0576 | | dues nes hagh yse gene |
| pcms0577 | | yma vn guas marthys prout |
| pcms0578 | | ol an cyte ow trylye |
| pcms0579 | | theworth mahomm by myn hout |
| pcms0580 | | hag an lahes ov syndye |
| |
| | | VERSE 99 |
| Princeps annas | pcms0581 | | danvon tus thy aspye |
| pcms0582 | | mar an kefons yn nep chy |
| pcms0583 | | han kelmyns treys ha dule |
| pcms0584 | | han hembrynkys bys thynny |
| |
| | | VERSE 100 |
| Judas | pcms0585 | | leuereugh thymmo whare |
| pcms0586 | | pandra vynnogh thym the ry |
| pcms0587 | | ha me a wra thygh spedye |
| pcms0588 | | ow cafus crist yredy |
| Cayphas | pcms0589 | | cowyth whek by my Iaute |
| pcms0590 | | ty a fyth mens a vynny |
| pcms0591 | | govyn worthyn hep lettye |
| pcms0592 | | py suel a vynnyth deffry |
| |
| | | VERSE 101 |
| Judas | pcms0593 | | dek-warn-ugens a mone |
| pcms0594 | | me ny vennaf cafus le |
| pcms0595 | o | yn guyryoneth |
| pcms0596 | | ha reys yv thygh dry gueres |
| pcms0597 | | gynef vy thy gemeres |
| pcms0598 | o | yn nos pryveth |
| |
| | | VERSE 102 |
| Cayphas | pcms0599 | | sur ol the wovynnadow |
| pcms0600 | | ty a fyth yn guyr hep gow |
| pcms0601 | | otensy gynef parys |
| pcms0602 | | lauar thymmo cowyth mas |
| pcms0603 | | py vr a tus thy gerghas |
| pcms0604 | | ha guet na veny tollys |
| |
| | | VERSE 103 |
| Judas | pcms0605 | | pur evn pan vo ow soppye |
| pcms0606 | | me a thue thagas guarnye |
| pcms0607 | | ha gueytyeugh bos tus parys |
| pcms0608 | | gans battys ha clythythow |
| pcms0609 | | y weth lanters gans golow |
| pcms0610 | | ma na veny sawthenys |
| |
| | | VERSE 104 |
| Cayphas | pcms0611 | | rum fay ty yv cowyth da |
| pcms0612 | | the rewardye my a wra |
| pcms0613 | o | rak the servys |
| pcms0614 | | arvow lour thynny yma |
| pcms0615 | | ha guesyon stout yn tor-ma |
| pcms0616 | o | an chache vskys |
| |
| | | VERSE 105 |
| Ihc | pcms0617 | | eugh yn dre hagh ordenegh |
| pcms0618 | | bos pask thynny hep lettye |
| pcms0619 | | peder ha iowan kerthuegh |
| pcms0620 | | may fova parys wharre |
| |
| | | VERSE 106 |
| Petrus | pcms0621 | | arluth cuf lauar thynny |
| pcms0622 | | yn keth tre-ma py fynny |
| pcms0623 | | bos pask thynny ordyne |
| pcms0624 | | ha me an dygth yredy |
| pcms0625 | | may hyllyn del goth dybry |
| pcms0626 | | ha then tas sacrefie |
| |
| | | VERSE 107 |
| Ihc | pcms0627 | | pan veugh agey then cyte |
| pcms0628 | | why a thyerbyn wharre |
| pcms0629 | | den ow ton pycher dour glan |
| pcms0630 | | pepenagol may thello |
| pcms0631 | | yn keth chy-na eugh ganso |
| pcms0632 | | ha leuereugh yn certan |
| |
| | | VERSE 108 |
| pcms0633 | | leuereugh the gour an chy |
| pcms0634 | | agas mester the thanvon |
| pcms0635 | | py plas y thylle dybry |
| pcms0636 | | ef hag ol y tyskyblon |
| pcms0637 | | hag ef a thyswe thywhy |
| pcms0638 | | vn skyber efan yn scon |
| pcms0639 | | gueyteugh dygtye bos ynny |
| pcms0640 | | lour thagan soper ragon |
| |
| | | VERSE 109 |
| Johannes | pcms0641 | | arluth cuf ker ny a wra |
| pcms0642 | | kepar del yrgsys thynny |
| pcms0643 | | peder cowyth dvn tothda |
| pcms0644 | | agan nygys guren bysy |
| Petrus | pcms0645 | | fystynyn fast alemma |
| pcms0646 | | del gorhemynnys deffry |
| pcms0647 | | mar kefyn den an par-na |
| pcms0648 | | ny an syv bys yn y chy |
| |
| | | VERSE 110 |
| Pater familias | pcms0649 | | ke alemma servont ker |
| pcms0650 | | kergh an fenten thym dour cler |
| pcms0651 | o | the thyghye bos |
| pcms0652 | | thynny ny erbyn soper |
| pcms0653 | | kepar del yv an vaner |
| pcms0654 | o | duyow hamlos |
| |
| | | VERSE 111 |
| Efamulus | pcms0655 | | me a gergh dour thys wharre |
| pcms0656 | | otte ow fycher gyne |
| pcms0657 | | yn ov dorn rak y gerghas |
| pcms0658 | | war ow scouth by my laute |
| pcms0659 | | me a vyn y thon the dre |
| pcms0660 | | ha fystyne gans touth bras |
| |
| | | VERSE 112 |
| Johannes | pcms0661 | | peder me a wel vn den |
| pcms0662 | | ov ton pycher dour toth-men |
| pcms0663 | | dun war y lergh me ath pys |
| pcms0664 | | reys yv bos guyr lauarow |
| pcms0665 | | agan arluth hep parow |
| pcms0666 | | neb yv dev ha den keffrys |
| |
| | | VERSE 113 |
| Petrus | pcms0667 | | cres dev aberth yn chymma |
| pcms0668 | | ihesu agan mester da |
| pcms0669 | | am danvonas the wovyn |
| pcms0670 | | py le yn gevyth ef chy |
| pcms0671 | | ragh yn nos haneth dybry |
| pcms0672 | | bos pask omma ef a vyn |
| |
| | | VERSE 114 |
| Pater familias | pcms0673 | | deugh gynef me a thyswe |
| pcms0674 | | chy thagas mester wharre |
| pcms0675 | | rak parusy y soper |
| pcms0676 | | effan may hyl pup map bron |
| pcms0677 | | ef hag ol y thyskyblon |
| pcms0678 | | cafus y es hep danger |
| |
| | | VERSE 115 |
| pcms0679 | | otte omma skyber dek |
| pcms0680 | | ha cala lour war hy luer |
| pcms0681 | | pynak vo lettys pylek |
| pcms0682 | | a weles an chy nym der |
| Johannes | pcms0683 | | an chy yn ta thym a plek |
| pcms0684 | | a nef vhel an tas mer |
| pcms0685 | | reth ordene ty hath wrek |
| pcms0686 | | pan vy marow yn y cver |
| |
| | | VERSE 116 |
| Petrus | pcms0687 | | johann gueres ov kul tan |
| pcms0688 | | rag yma bovs lour certan |
| pcms0689 | | omma sur erbyn soper |
| pcms0690 | | a peua ol parusys |
| pcms0691 | | fystyn leman me ath pys |
| pcms0692 | | may fo dyghtys a vreder |
| |
| | | VERSE 117 |
| Johannes | pcms0693 | | otte an tan ow tewy |
| pcms0694 | | dens pan vo both ganse y |
| pcms0695 | | aga bos a vyth parys |
| pcms0696 | | whet avar prys soper yv |
| pcms0697 | | tan bras an oan re a lyv |
| pcms0698 | | kyns y vos methen restys |
| |
| | | VERSE 118 |
| Ihc | pcms0699 | | dun alemma ahanan |
| pcms0700 | | rak gans peder ha iowan |
| pcms0701 | | nans yv bes soper parys |
| pcms0702 | | erbyn agan bos ganse |
| pcms0703 | | termyn vyth thynny sopye |
| pcms0704 | | symon whek ow bennath thys |
| |
| | | VERSE 119 |
| pcms0705 | | cres dev aberth yn anneth |
| pcms0706 | | ham benneth ragas bo wheth |
| pcms0707 | | yv on pask thynny parys |
| pcms0708 | | ma yllyn mos the soper |
| pcms0709 | | lauar an guyr thym peder |
| pcms0710 | | del yth caraf mur pup prys |
| |
| | | VERSE 120 |
| Petrus | pcms0711 | | a arluth ker parys yv |
| pcms0712 | | an tas dev roy thym bos guyv |
| pcms0713 | | the vos len seruysy thys |
| pcms0714 | | ham bredereth ol yn weth |
| pcms0715 | | ysetheugh yn kesoleth |
| pcms0716 | | rak scon why a fyth seruys |
| |
| | | VERSE 121 |
| Ihc | pcms0717 | | pur wyr theugh me a leuer |
| pcms0718 | | my re thysyryas fest mer |
| pcms0719 | | dybry genogh why haneth |
| pcms0720 | | boys pask kyns ov bos marow |
| pcms0721 | | ha tormentys yn garow |
| pcms0722 | | kyns avorow hanter deth |
| |
| | | VERSE 122 |
| pcms0723 | | kymereugh eveugh an guyn |
| pcms0724 | | rag ny evaf bys deth fyn |
| pcms0725 | | genough annotho na moy |
| pcms0726 | | bys may thyllyf yn ow gulas |
| pcms0727 | | ha why gynef gans ow tas |
| pcms0728 | | hep dyweth-va prest yn ioy |
| |
| | | VERSE 123 |
| Johannes | pcms0729 | | arluth ker gura yn lowen |
| pcms0730 | | hedre vy yn beys gynen |
| pcms0731 | | neffre trystyns ny gen byth |
| pcms0732 | | del osa dev thyn ha pen |
| pcms0733 | | mara quelyn thys anken |
| pcms0734 | | neffre ny a vyt the weyth |
| |
| | | VERSE 124 |
| Ihc | pcms0735 | | me a leuer guyroneth |
| pcms0736 | | onan ahanough haneth |
| pcms0737 | | rum guerthas thom yskerens |
| pcms0738 | | neb vs gynef ow tybbry |
| pcms0739 | | am cowyth yn surredy |
| pcms0740 | | ha sur am gor the mernens |
| |
| | | VERSE 125 |
| Judas | pcms0741 | | arluth leuerel dym gura |
| pcms0742 | | marsof vy an keth henna |
| pcms0743 | | na vo den aral sclandrys |
| Ihc | pcms0744 | | ow tybbry gynef yma |
| pcms0745 | | am tallyovr yn keth bos-ma |
| pcms0746 | | neb rum guerthas sollabreys |
| |
| | | VERSE 126 |
| pcms0747 | | mab dev a tremyn an beys |
| pcms0748 | | annotho del yv scryfys |
| pcms0749 | | yn lyfryow yn lyes le |
| pcms0750 | | goef vyth nep am guerthas |
| pcms0751 | | myl wel vye re-nav-thas |
| pcms0752 | | yn bys-ma genys na ve |
| |
| | | VERSE 127 |
| Judas | pcms0753 | | mester whek awos an tas |
| pcms0754 | | lauar thymmo hep lettye |
| pcms0755 | | oma vy nep ath werthas |
| pcms0756 | | then huthewon the lathe |
| Ihc | pcms0757 | | kyns leman me as guarnyas |
| pcms0758 | | hag a leuer theugh arte |
| pcms0759 | | ty ren leuerys iudas |
| pcms0760 | | an guyroneth rum leaute |
| |
| | | VERSE 128 |
| pcms0761 | | an bara-ma kymereugh |
| pcms0762 | | theugh lemman yn kettep pen |
| pcms0763 | | hag anotho ol dybreugh |
| pcms0764 | | ow corf yv ren oferen |
| pcms0765 | | kepar del leuerys theugh |
| pcms0766 | | guyrthys lythys yn grovs pren |
| pcms0767 | | dretho ef prynnys bytheugh |
| pcms0768 | | ol ow tus gour ha benen |
| |
| | | VERSE 129 |
| Andreas | pcms0769 | | a arluth ker bynyges |
| pcms0770 | | yma thym mur varthegyon |
| pcms0771 | | pyv a yl henna bones |
| pcms0772 | | ahanan ny vyth onon |
| Jacobus minor | pcms0773 | | pyv an brasse den senges |
| pcms0774 | | yn mysk ol thy thyskyblon |
| pcms0775 | | neb an gothfo gorthybes |
| pcms0776 | | kyn fo mar stout ay golon |
| |
| | | VERSE 130 |
| Jacobus major | pcms0777 | | neb a vo yn moghya gre |
| pcms0778 | | a vyth an brassa henwys |
| pcms0779 | | herwyth nep a vo yn le |
| pcms0780 | | del wor pup den ol yn beys |
| Symon | pcms0781 | | ytho leuereugh ware |
| pcms0782 | | kepar del ough fur syngys |
| pcms0783 | | yn mysk ol an gowethe |
| pcms0784 | | pyv henna my agas peys |
| |
| | | VERSE 131 |
| Ihc | pcms0785 | | myghterneth war aga tus |
| pcms0786 | | a fe arlythy ay yvs |
| pcms0787 | | yn certan kyns ys lemyn |
| pcms0788 | | ha nep astefo gallos |
| pcms0789 | | a vyth gans yowynk ha los |
| pcms0790 | | henwys tus vras pup termyn |
| |
| | | VERSE 132 |
| pcms0791 | | byth nyn sogh why yn della |
| pcms0792 | | ahanough neb yv moghya |
| pcms0793 | | han brasa gallos dotho |
| pcms0794 | | bythens kepar han lyha |
| pcms0795 | | ha nep a theppro kensa |
| pcms0796 | | kepar ha nep a seruyo |
| |
| | | VERSE 133 |
| pcms0797 | | ha gorthybeugh thym yn ta |
| pcms0798 | | pyv a synsow why moghya |
| pcms0799 | | nep a serf py a theber |
| Symon | pcms0800 | | a nyn syv nep a theppro |
| pcms0801 | | yv sur del heuel dymmo |
| pcms0802 | | moy yw arluth es spencer |
| |
| | | VERSE 134 |
| Ihc | pcms0803 | | yn creys me re ysethas |
| pcms0804 | | avel seruont ow seruye |
| pcms0805 | | ha why gynef re drygas |
| pcms0806 | | yn temptacyon yn pup le |
| pcms0807 | | ha thywhy me re ordynas |
| pcms0808 | | glas nef ynny rak tryge |
| pcms0809 | | kepar del ordenas ow tas |
| pcms0810 | | dymmo vy yn lowene |
| |
| | | VERSE 135 |
| pcms0811 | | may wrylleugh yn lowene |
| pcms0812 | | keffrys dybry hagh eve |
| pcms0813 | | war ow bos yn vhelder |
| pcms0814 | | dyth brues y wregh ysethe |
| pcms0815 | | ol an bys-ma rak iugge |
| pcms0816 | | pup ol herwyth y ober |
| |
| | | VERSE 136 |
| Bartholomeus | pcms0817 | | mester bynyges re by |
| pcms0818 | | rak the thescas tek dynny |
| pcms0819 | | yv parys yn pup termyn |
| pcms0820 | | erbyn a pyth a gevsy |
| pcms0821 | | ny yl den vyth gorthyby |
| pcms0822 | | the resons yns da ha fyn |
| |
| | | VERSE 137 |
| Ihc | pcms0823 | | eveugh lemyn ol an gvyn |
| pcms0824 | | rag hemma yv ow gos fyn |
| pcms0825 | | hag a vyth ragough skullys |
| pcms0826 | | yn dewyllyens peghusow |
| pcms0827 | | why am cofua vy hep gow |
| pcms0828 | | pysough may feve evys |
| |
| | | VERSE 138 |
| Philippus | pcms0829 | | en tas dev roy thyn bos gwyw |
| pcms0830 | | the wos ker the resceue |
| pcms0831 | | dre the voth yn geth hythyw |
| pcms0832 | | me an pys yn cheryte |
| |
| | | VERSE 139 |
| Ihc | pcms0833 | | tommans onan dour war tan |
| pcms0834 | | rag woge soper certan |
| pcms0835 | | my a woulgh ol agas trys |
| pcms0836 | | ha gans toval a lyn gulan |
| pcms0837 | | my as segh ketteb onan |
| pcms0838 | | a bop mostethes ha lys |
| |
| | | VERSE 140 |
| Johannes | pcms0839 | | arluth yma dour tommys |
| pcms0840 | | lour may hallons bos golhys |
| pcms0841 | | aga trys yn kettep pol |
| Ihc | pcms0842 | | yn bason bethens gorrys |
| pcms0843 | | ha me as goulgh dysempys |
| pcms0844 | | may fons gulan a pup plos ol |
| |
| | | VERSE 141 |
| Petrus | pcms0845 | | arluth golhy mara qureth |
| pcms0846 | | ow treys thym y ffye meth |
| pcms0847 | | hedre veyf byv yn certan |
| Ihc | pcms0848 | | pendra wraf ny wothes wheth |
| pcms0849 | | ty an gothvyth yn dyweth |
| pcms0850 | | woge ov mos ahanan |
| |
| | | VERSE 142 |
| Petrus | pcms0851 | | me an te thys renothas |
| pcms0852 | | kyn na vens neffre golhys |
| pcms0853 | | ty nys golhyth yn nep cas |
| pcms0854 | | war beyns ol of yruyrys |
| Ihc | pcms0855 | | tav peder ty ny wothas |
| pcms0856 | | lemyn pedra wrama thys |
| pcms0857 | | mar nyth wolhaf dre ow ras |
| pcms0858 | | yn nef ny vythyth trygys |
| Petrus | pcms0859 | | arluth thymmo vy na gas |
| pcms0860 | | pen na trovs na vo golhys |
| |
| | | VERSE 143 |
| Ihc | pcms0861 | | neb a vo y gorf golhys |
| pcms0862 | | nyn jeves ethom golhy |
| pcms0863 | | saw y treys na vons sethys |
| pcms0864 | | rag gulan yv ol yredy |
| pcms0865 | | a pup plos yth ough glanhys |
| pcms0866 | | mes ol nyn sough gulan deffry |
| pcms0867 | | yma onan pur vostyys |
| pcms0868 | | omma a gys company |
| |
| | | VERSE 144 |
| Johannes | pcms0869 | | a mester cuf arluth nef |
| pcms0870 | | my a grys pur wyr yn ta |
| pcms0871 | | bos an keth den-na goef |
| pcms0872 | | pan ve genys then bys-ma |
| |
| | | VERSE 145 |
| Ihc | pcms0873 | | mester genough ym gylwyr |
| pcms0874 | | hagh arluth henna yv guyr |
| pcms0875 | | ytho mar kruge golhy |
| pcms0876 | | agas treys haga seghe |
| pcms0877 | | golhens pup treys y gyle |
| pcms0878 | | ahanough kepar ha my |
| |
| | | VERSE 146 |
| pcms0879 | | ha bethough war colonow |
| pcms0880 | | rak satnas yv yrvyrys |
| pcms0881 | | avel ys ynothlennow |
| pcms0882 | | thagas kroddre me a grys |
| pcms0883 | | sav rak peder caradow |
| pcms0884 | | lyes guyth me re bysys |
| pcms0885 | | na dreyle y gousesow |
| pcms0886 | | awos ovn bones lethys |
| |
| | | VERSE 147 |
| Petrus | pcms0887 | | arluth cuf me yv parys |
| pcms0888 | | gothaf gynes bos lethys |
| pcms0889 | | ha gorrys fast yn prison |
| Ihc | pcms0890 | | kyns bos vn nos tremenys |
| pcms0891 | | why a vyth pur wyr sclandrys |
| pcms0892 | | ahanaf ketep map bron |
| |
| | | VERSE 148 |
| pcms0893 | | pan vo guyskys an bugel |
| pcms0894 | | y fy an deues a bel |
| pcms0895 | | hag ol an flok a thybarth |
| pcms0896 | | sav me war lergh drehevel |
| pcms0897 | | as dyerbyn dyougel |
| pcms0898 | | yn galile ol warbarth |
| |
| | | VERSE 149 |
| Petrus | pcms0899 | | ha kyn fons y ol sclandrys |
| pcms0900 | | neffre awos bos lethys |
| pcms0901 | | my ny wraf the thyflase |
| Ihc | pcms0902 | | peder me a leuer thys |
| pcms0903 | | kyns ys bos kullyek kenys |
| pcms0904 | | ter guyth y wregh ov naghe |
| |
| | | VERSE 150 |
| Petrus | pcms0905 | | kyn feua lethys marow |
| pcms0906 | | dre mur peyn ha galarov |
| pcms0907 | | nyth ty nahaf bynary |
| pcms0908 | | awos ovn bras lauarov |
| pcms0909 | | agan arluth hep parov |
| pcms0910 | | me nyn naghaf war ow fay |
| |
| | | VERSE 151 |
| Ihc | pcms0911 | | leuerough ow dyskyblon |
| pcms0912 | | mar a fyllys theugh trauyth |
| pcms0913 | | pan wruge ages danvon |
| pcms0914 | | hep lorgh na scryp nos na deyth |
| |
| | | VERSE 152 |
| Andreas | pcms0915 | | na fyllys a arluth da |
| pcms0916 | | na fout bythqueth ny gen bue |
| pcms0917 | | yn agan ethom pup tra |
| pcms0918 | | pup vr parys thyn vethe |
| |
| | | VERSE 153 |
| Ihc | pcms0919 | | lemman lorgh nep an geffo |
| pcms0920 | | gorrens y scryp dyworto |
| pcms0921 | | ha nep nan geffo na nyl |
| pcms0922 | | guerthens y hugk the brenne |
| pcms0923 | | anethy thotho clethe |
| pcms0924 | | reys yv vos guyr an awayl |
| |
| | | VERSE 154 |
| Petrus | pcms0925 | | yma omma dev clethe |
| pcms0926 | | parys gans ov cowethe |
| pcms0927 | | cales ha scherp kekeffrys |
| Ihc | pcms0928 | | ow benneth theugh vynytha |
| pcms0929 | | pur wyr lour yv an re-na |
| pcms0930 | | rak governye ol an beys |
| |
| | | VERSE 155 |
| Judas | pcms0931a | o | heyl syr epscop |
| pcms0931b | o | esos yth cop |
| pcms0932 | o | owth ysethe |
| pcms0933a | o | heil pryns annas |
| pcms0933b | o | thywhy qammas |
| pcms0934 | o | mur lowene |
| |
| | | VERSE 156 |
| Cayphas | pcms0935 | | wolcom iudas par mon fay |
| pcms0936 | | wolcom by maghomys lay |
| pcms0937 | | wolcom myl-wyth yn ow hel |
| pcms0938 | | lauar lemyn mar syv prys |
| pcms0939 | | danvon genes tus ervys |
| pcms0940 | | the gerghes an vyl losel |
| |
| | | VERSE 157 |
| Judas | pcms0941 | | yv syre by godys fo |
| pcms0942 | | saw gueytyens pup may tokco |
| pcms0943 | | ganso lorgh py clethe da |
| pcms0944 | | ha mowysy gans golow |
| pcms0945 | | yn lanterns hep falladow |
| pcms0946 | | fysteneugh fast alemma |
| |
| | | VERSE 158 |
| Cayphas | pcms0947 | | benneth maghom reth fo prest |
| pcms0948 | | rak certan lell os ha trest |
| pcms0949 | | ha stedfast yth ambosow |
| pcms0950 | | tormentourys wythow rest |
| pcms0951 | | comyth hedry lest and mest |
| pcms0952 | | lemyn yn ol ovthommow |
| |
| | | VERSE 159 |
| Tortor i | pcms0953 | | heyl volaueth volaueth |
| pcms0954 | | vthyk mur yv the areth |
| pcms0955 | | leman worth agan gylwel |
| pcms0956 | | lauar thymmo yn pryueth |
| pcms0957 | | pendra yv the volnegeth |
| pcms0958 | | ha my an gura dyowgel |
| |
| | | VERSE 160 |
| Cayphas | pcms0959 | | tormentors yn kettep guas |
| pcms0960 | | eugh alemma gans iudas |
| pcms0961 | | the gerhas an guas muscok |
| pcms0962 | | vgy ov ymwryl map dev |
| pcms0963 | | pur wyr ef an gevyth gv |
| pcms0964 | | pan dyffo yn ow goloc |
| |
| | | VERSE 161 |
| Princeps annas | pcms0965 | | lauar cowyth da del os |
| pcms0966 | | fatel yllyn aswonvos |
| pcms0967 | | en harlot yn mysk y tus |
| pcms0968 | | rak ganso yma hep fal |
| pcms0969 | | mur ay tus thotho haval |
| pcms0970 | | na aswonyn an profus |
| |
| | | VERSE 162 |
| Judas | pcms0971 | | me a thysk theugh tokyn da |
| pcms0972 | | y salugy my a wra |
| pcms0973 | | mar scon del thyffyf thotho |
| pcms0974 | | hag a warre thy amme |
| pcms0975 | | henna yv ef rum laute |
| pcms0976 | | syttyough dalhen scon ynno |
| |
| | | VERSE 163 |
| Cayphas | pcms0977 | | ha why annas ov def ker |
| pcms0978 | | dyswethough bos pryns somper |
| pcms0979 | | rak dyswyl an cristenyon |
| pcms0980 | | dreugh bys omma thum tyller |
| pcms0981 | | an harlot guas a leuer |
| pcms0982 | | y vos myghter yuthewon |
| |
| | | VERSE 164 |
| Princeps annas | pcms0983 | | hep dout henna my a wra |
| pcms0984 | | rag thym yma tokyn da |
| pcms0985 | o | rak y gafus |
| pcms0986 | | kettyl yn geffo an bay |
| pcms0987 | | yn cacher wythovte nay |
| pcms0988 | o | an fals profus |
| |
| | | VERSE 165 |
| Cayphas | pcms0989 | | fystyn ov duf whek avy |
| pcms0990 | | gueyt an harlot na scapyo |
| pcms0991 | | drok handle del om kyry |
| pcms0992 | | pan gyffy dalhen ynno |
| |
| | | VERSE 166 |
| Tortor ii | pcms0993 | | henna my a wra wharre |
| pcms0994 | | re maghom arluth pup le |
| pcms0995 | | yn dyspyt then casadow |
| pcms0996 | | dun alemma cowethe |
| pcms0997 | | me an doro theugh the dre |
| pcms0998 | | arluth theth danvonadow |
| |
| | | VERSE 167 |
| Judas | pcms0999 | | bysy yv theugh bones war |
| pcms1000 | | coynt mur yv an guas hep mar |
| pcms1001 | | hag a aswon lyes wrynch |
| pcms1002 | | scolkyough thy an dan dava |
| pcms1003 | | rag mar as guel ef a wra |
| pcms1004 | | mos the kuthe war vn plynch |
| |
| | | VERSE 168 |
| Princeps annas | pcms1005 | | mas yv the cusyl deffry |
| pcms1006 | | mar scon thotho delymmy |
| pcms1007 | | kychough ef yn vryongen |
| pcms1008 | | ha dalynnough mur cales |
| pcms1009 | | ma na allo pertheges |
| pcms1010 | | yn dyspyt ol thy eghen |
| |
| | | VERSE 169 |
| Ihc | pcms1011 | | ow dyskyblon ysethough |
| pcms1012 | | hag omma pols powesough |
| pcms1013 | | hedre vyma ov pygy |
| pcms1014 | | ol sav peder ha jamys |
| pcms1015 | | ha johann an try a reys |
| pcms1016 | | mones gynef yredy |
| |
| | | VERSE 170 |
| Thomas | pcms1017 | | arluth kepar del vynny |
| pcms1018 | | del ose dev dreys pup tra |
| pcms1019 | | me a wra prest hep ynny |
| pcms1020 | | hedre veyf bew yn bys-ma |
| |
| | | VERSE 171 |
| Ihc | pcms1021 | | agas try deugh why genef |
| pcms1022 | | rak yma yn ov enef |
| pcms1023 | | trystyns fast bys yn ancow |
| pcms1024 | | gotheveugh omma lavur |
| pcms1025 | | ha gollyough gynef yn sur |
| pcms1026 | | ov kefyon ker colonow |
| |
| | | VERSE 172 |
| Jacobus major | pcms1027 | | ow colon re seth yn claf |
| pcms1028 | | ow cleves the lauarow |
| pcms1029 | | yn tormont mar ath welaf |
| pcms1030 | | gynes me a vyth marow |
| |
| | | VERSE 173 |
| Ihc | pcms1031 | | ow thas whek luen a ras da |
| pcms1032 | | possybil yv thys pup tra |
| pcms1033 | | del of the vap me ath peys |
| pcms1034 | | mar calle bos yn della |
| pcms1035 | | gorre an keth mernans-ma |
| pcms1036 | | thyworthyf na vyf lethys |
| |
| | | VERSE 174 |
| pcms1037 | | lemyn na fo ol ow bouth |
| pcms1038 | | cowlynwys thymmo lemyn |
| pcms1039 | | sav the voth the gy arluth |
| pcms1040 | | bethens gruys yn pup termyn |
| Deus pater | pcms1041 | | ow cannas whek then beys tovth |
| pcms1042 | | lowenna tekea gothfy |
| pcms1043 | | ihesu ov map kevarwouth |
| pcms1044 | | vgy warnaf ow pygy |
| |
| | | VERSE 175 |
| Gabriel | pcms1045 | | a das del os bynyges |
| pcms1046 | | mos thotho yv ow yenes |
| pcms1047 | | del ywe ow arluth ker |
| pcms1048 | | gorthyans thys ha lowene |
| pcms1049 | | the das ker a thy lawe |
| pcms1050 | | a erghys guella the cher |
| |
| | | VERSE 176 |
| Ihc | pcms1051 | | ow thas ker gorthys re bo |
| pcms1052 | | rak y confort yv thymmo |
| pcms1053 | | fest parys yn pup termyn |
| pcms1054 | | peder ny wolsys y fas |
| pcms1055 | | vn prygwyth gynef golyas |
| pcms1056 | | kyns ys dos ow torment tyn |
| |
| | | VERSE 177 |
| pcms1057 | | whath gynef vn pols goylyough |
| pcms1058 | | ha war ow tas fast pysough |
| pcms1059 | | na entreugh yn temptacyon |
| pcms1060 | | parys fest yv an spyrys |
| pcms1061 | | han kye yv marthys grevyys |
| pcms1062 | | gans cleues ha govegyon |
| |
| | | VERSE 178 |
| Petrus | pcms1063 | | a arluth ker my a wra |
| pcms1064 | | mar a kyllyn yn della |
| pcms1065 | | ny the gamwul y won guyr |
| Johannes | pcms1066 | | arluth agan dew lagas |
| pcms1067 | | yv marthys claf ow colyas |
| pcms1068 | | golyas o agan dysyr |
| |
| | | VERSE 179 |
| Ihc | pcms1069 | | ow tas ma ny yl bones |
| pcms1070 | | may treylyo mernens the ves |
| pcms1071 | | sav y wothaf thym a reys |
| pcms1072 | | the volnegeth re bo gures |
| pcms1073 | | rak an scryptor bynyges |
| pcms1074 | | reys yv y vos guyr porrys |
| |
| | | VERSE 180 |
| pcms1075 | | wheth ow cufyon dyfunough |
| pcms1076 | | ha kes colon ol pesough |
| pcms1077 | | na gyllough yn temptacion |
| pcms1078 | | iudas ny gosk vn banne |
| pcms1079 | | lymmyn dywans fystyne |
| pcms1080 | | thum ry then fals yethewon |
| |
| | | VERSE 181 |
| Judas | pcms1081 | | pertheugh cof ol an tokyn |
| pcms1082 | | a leuerys kyns lemyn |
| pcms1083 | | thywy why a gowethe |
| pcms1084 | | penag a wryltyf amme |
| pcms1085 | | henna yv ef rum laute |
| pcms1086 | | synsew e fast hep lettye |
| |
| | | VERSE 182 |
| Ihc | pcms1087 | | whet ov thas ker luen a gras |
| pcms1088 | | mar syv the voth grant an spas |
| pcms1089 | | na theffo thym an mernans |
| pcms1090 | | sav ma ny yl bos nahen |
| pcms1091 | | the voth prest yn pup hehen |
| pcms1092 | | y goulenwel yv ow whans |
| |
| | | VERSE 183 |
| pcms1093 | | ow cufyon leman coskeugh |
| pcms1094 | | hag ol warbarth poweseugh |
| pcms1095 | | me re pysys lour ov thas |
| pcms1096 | | ov nesse yma an preys |
| pcms1097 | | may fyth map dev ynno reys |
| pcms1098 | | then fals yethewon dygnas |
| |
| | | VERSE 184 |
| pcms1099a | o | sevyn yn ban |
| pcms1099b | o | dun ahanan |
| pcms1100 | o | scon alemma |
| pcms1101a | o | rak fals iudas |
| pcms1101b | o | nep am guerthas |
| pcms1102 | o | ogas yma |
| |
| | | VERSE 185 |
| Judas | pcms1103a | o | a mester ker |
| pcms1103b | o | yn pup tyller |
| pcms1104 | o | thys lowene |
| Ihc | pcms1105a | o | a gothman da |
| pcms1105b | o | prak y wreta |
| pcms1106 | o | thymmo amme |
| |
| | | VERSE 186 |
| pcms1107a | o | thym the amme |
| pcms1107b | o | ty re duth sur |
| pcms1108a | o | rag ow guerthe |
| pcms1108b | o | then traytors pur |
| |
| | | VERSE 187 |
| pcms1109a | o | thym leuereugh |
| pcms1109b | o | pyw a whyleugh |
| pcms1110 | o | a yethewon |
| Princeps annas | pcms1111a | o | ihesu parde |
| pcms1111b | o | a nazare |
| pcms1112 | o | an fals crystyon |
| |
| | | VERSE 188 |
| pcms1113a | o | whythrough hetheu |
| pcms1113b | o | worthyf wharre |
| pcms1114a | o | me yw ihesu |
| pcms1114b | o | an nazare |
| |
| | | VERSE 189 |
| pcms1115a | o | lyuyreugh whet |
| pcms1115b | o | pan theugh mar freth |
| pcms1116 | o | pyv a whyleugh |
| pcms1117a | o | ihesu rum feyth |
| pcms1117b | o | a nazareth |
| pcms1118 | o | nyn geuyth meugh |
| |
| | | VERSE 190 |
| Ihc | pcms1119 | | my a leuerys thywhy |
| pcms1120 | | ow bosa henna deffry |
| pcms1121 | | ytho mar qureugh ov wylas |
| pcms1122 | | gesough ov thus vs gene |
| pcms1123 | | the ves quyt the tremene |
| pcms1124 | | yn della yv both ow thas |
| |
| | | VERSE 191 |
| Princeps annas | pcms1125 | | a lorels res bo drok lam |
| pcms1126 | | syttyough dalhennow yn cam |
| pcms1127 | | a leuer y vos map dev |
| pcms1128 | | ha dun ny ganso toth bras |
| pcms1129 | | bys yn epscop syr cayfas |
| pcms1130 | | yn gueth a prys er y gv |
| |
| | | VERSE 192 |
| Tortor iii | pcms1131 | | me an dalhen fest yn tyn |
| pcms1132 | | ha gans ow dornow an guryn |
| pcms1133 | o | na sowenno |
| pcms1134 | | bys yn epscop fystynyn |
| pcms1135 | | warfor streche na wryllyn |
| pcms1136 | o | dun scon ganso |
| |
| | | VERSE 193 |
| Petrus | pcms1137 | | arluth lauar dyssempys |
| pcms1138 | | thynny mar syv both the vreys |
| pcms1139 | | ha bolenegoth an tas |
| pcms1140 | | my the wyskel gans clethe |
| pcms1141 | | nep vs worth the dalhenne |
| pcms1142 | | scherewys drok aga gnas |
| |
| | | VERSE 194 |
| Tortor iv | pcms1143 | | out cowethe gueresough |
| pcms1144 | | ow scoforn treghys myrough |
| pcms1145 | | quyt the ves thyworth ow pen |
| pcms1146 | | gans onan ay thyskyblon |
| pcms1147 | | ma an glovs dre ow colon |
| pcms1148 | | rak gallarow hag anken |
| |
| | | VERSE 195 |
| Ihc | pcms1149 | | gorteugh lymmyn gockyes |
| pcms1150 | | theth scoforn wharre yches |
| pcms1151 | o | sur my a re |
| pcms1152 | | abarth ow thas bynyges |
| pcms1153 | | thy thyller arte glenes |
| pcms1154 | o | kepar del ve |
| |
| | | VERSE 196 |
| pcms1155 | | a peder treyl the clethe |
| pcms1156 | | gorre yn y won arte |
| pcms1157 | | yn levyr yma scrifys |
| pcms1158 | | dre clethe nep a vewo |
| pcms1159 | | ef a vyru yn sur dretho |
| pcms1160 | | han scryptor yw guyr yn wys |
| |
| | | VERSE 197 |
| pcms1161 | | dar deseuos a wreugh why |
| pcms1162 | | na allaf ow thas pygy |
| pcms1163 | | hag ef a thanfon an nef |
| pcms1164 | | dev-thek legyon yn vn ro |
| pcms1165 | | a eleth wharre thymmo |
| pcms1166 | | nym nagh mar an pesaf ef |
| |
| | | VERSE 198 |
| pcms1167 | | yn ketella ythyv reys |
| pcms1168 | | del redyer yn lyes le |
| pcms1169 | | the vap den gothof yn beys |
| pcms1170 | | hag entre thy lowene |
| |
| | | VERSE 199 |
| pcms1171 | | why re thueth thym gans arvow |
| pcms1172 | | gans fustow ha clythythyow |
| pcms1173 | | kepar ha pan veue vy |
| pcms1174 | | an pure lader yn pow |
| pcms1175 | | pan dyskys yn eglusyow |
| pcms1176 | | ny wrug den fyth ow sensy |
| |
| | | VERSE 200 |
| Tortor i | pcms1177 | | a traytor bras sur map gal |
| pcms1178 | | the gafus gynen yv mal |
| pcms1179 | | kelmeugh warbarth y thyw-vreg |
| pcms1180 | | na allo dyank drewal |
| pcms1181 | | ef an geuyth war an chal |
| pcms1182 | | den vythol na thovtyans peg |
| |
| | | VERSE 201 |
| Tortor ii | pcms1183 | | a giglot of lynage |
| pcms1184 | | ha ty mar yonk an age |
| pcms1185 | | pendra wreta gans an guas |
| pcms1186 | | the vantel gas yn gage |
| pcms1187 | | my an byth rag ov wage |
| pcms1188 | | ha ty a grek renothas |
| |
| | | VERSE 202 |
| Tortor iii | pcms1189 | | kyn fe the thyv-vregh mar bras |
| pcms1190 | | my as kylm re sattenas |
| pcms1191 | | warbarth auel lader pur |
| pcms1192 | | hag ath wor bys yn cayphas |
| pcms1193 | | yn dyspyt theth dev-lagas |
| pcms1194 | | rak na fues kyns lymmyn fur |
| |
| | | VERSE 203 |
| Tortor iv | pcms1195 | | hembrynkeugh an harlot guas |
| pcms1196 | | ha gans ow wyp me an cheas |
| pcms1197 | | ma kertho garwo y cam |
| pcms1198 | | ke yn rak wyth yffle gras |
| pcms1199 | | me a greys by god ys fas |
| pcms1200 | | an harlot re thellos bram |
| |
| | | VERSE 204 |
| Princeps annas | pcms1201 | | heyl a heyl epscop cayphas |
| pcms1202 | | otte dynythys an guas |
| pcms1203 | | omma gynen bys yth hel |
| pcms1204 | | syngys mar on the iudas |
| pcms1205 | | rak sur ef am hembroncas |
| pcms1206 | | pur compys bys yn losel |
| |
| | | VERSE 205 |
| Cayphas | pcms1207 | | wolcum fest ough yn chymma |
| pcms1208 | | a thysempys gureugh tan da |
| pcms1209 | | rak yeyn fest yv an awel |
| pcms1210 | | me a vyn y examne |
| pcms1211 | | hay dus hay deskes wharre |
| pcms1212 | | prag na geusons dyougel |
| |
| | | VERSE 206 |
| Tortor i | pcms1213 | | syre arluth yn certan |
| pcms1214 | | gurys da vye cafus tan |
| pcms1215 | | rak marthys yeyn yv an guyns |
| pcms1216 | | yma ow trys ham dule |
| pcms1217 | | thyworthef ow teglene |
| pcms1218 | | ma thew krehyllys ov dyns |
| |
| | | VERSE 207 |
| Tortor ii | pcms1219 | | cowethe hetheugh kunys |
| pcms1220 | | ha me a whyth gans mur greys |
| pcms1221 | | may tewe an tan wharre |
| pcms1222 | | rag rum fay rak ewen anwous |
| pcms1223 | | ny glewaf yender thum trovs |
| pcms1224 | | y thesaf ow clamdere |
| |
| | | VERSE 208 |
| Thomas | pcms1225 | | portheres gentyl mar sos |
| pcms1226 | | me ath pys a lauasos |
| pcms1227 | | dry ow cowyth aberveth |
| pcms1228 | | ha mar tve re thu am ros |
| pcms1229 | | me a wra mar vur ragos |
| pcms1230 | | y lyuerel yn pryueth |
| |
| | | VERSE 209 |
| Ancilla | pcms1231 | | rum fay cowyth my a wra |
| pcms1232 | | ragos moy es yn della |
| pcms1233 | | dys yn rak abarth iovyn |
| pcms1234 | | oge gy a cowyth da |
| pcms1235 | | onen a dus an den-ma |
| pcms1236 | | worthys me a wra gouyn |
| |
| | | VERSE 210 |
| Petrus | pcms1237 | | me ath worthyp hep lettye |
| pcms1238 | | ny fuf den thotho bythqueth |
| pcms1239 | | na ny wylys rum leaute |
| pcms1240 | | kyns lymman y lyv nay feth |
| Tortor iii | pcms1241 | | otte lour kunys gyne |
| pcms1242 | | whythyns lemmyn pup yn freth |
| pcms1243 | | neb na whytho grens fannye |
| pcms1244 | | gans y lappa worth an eth |
| |
| | | VERSE 211 |
| Cayphas | pcms1245 | | lauar thymmo vy yn scon |
| pcms1246 | | ple re seth the thyskyblon |
| pcms1247 | | prag na thesons y yn chy |
| pcms1248 | | ha dyswe thym nep reson |
| pcms1249 | | ath tyskes omma dyson |
| pcms1250 | | may hyllyn gynes dysky |
| |
| | | VERSE 212 |
| Ihc | pcms1251 | | apert vythqueth y tyskys |
| pcms1252 | | ow dyskes then yethewon |
| pcms1253 | | worth golow nos ny geusys |
| pcms1254 | | na ny wystrys yn scoforn |
| pcms1255 | | lemmyn ol yn synagys |
| pcms1256 | | may clewas lyes map bron |
| pcms1257 | | hag yn templis pan verys |
| pcms1258 | | y tyskys thum dyscyblon |
| |
| | | VERSE 213 |
| pcms1259 | | worthyf na wovyn lemyn |
| pcms1260 | | worth nep a glewas govyn |
| pcms1261 | | rak y a wor leuerel |
| pcms1262 | | kemmys thethe re gevsys |
| pcms1263 | | ytho worthyf ny goth thys |
| pcms1264 | | govyn yn nos dyougel |
| |
| | | VERSE 214 |
| Tortor iv | pcms1265 | | yn della a gasadow |
| pcms1266 | | y gorthebyth epscobow |
| pcms1267 | | mar wyr vyl despyt reth fo |
| pcms1268 | | rak ty thy gam worthyby |
| pcms1269 | | ty a vyth box trewysy |
| pcms1270 | | haue that god yve thy wo |
| |
| | | VERSE 215 |
| Ihc | pcms1271 | | mara keusys falsury |
| pcms1272 | | ha henna dok dustuny |
| pcms1273 | | mes mara keusys yn lel |
| pcms1274 | | prag y wreth ov boxusy |
| pcms1275 | | nyn syv lemmyn vyleny |
| pcms1276 | | awos guyryoneth keusel |
| |
| | | VERSE 216 |
| Ancilla | pcms1277 | | en den-ma war ow ene |
| pcms1278 | | gans ihesu a nazare |
| pcms1279 | | yn certan a fue trygys |
| pcms1280 | | ny dal thotho y naghe |
| pcms1281 | | rak ef yv a galile |
| pcms1282 | | hay den ganso prest mygys |
| |
| | | VERSE 217 |
| Petrus | pcms1283 | | benen na govs muscoghneth |
| pcms1284 | | rak an keth den-ma bythqueth |
| pcms1285 | | nyn servyes war ov ene |
| pcms1286 | | na rum fay my nyn guylys |
| pcms1287 | | may wothfen tremyn yn beys |
| pcms1288 | | yntretho hay gowethe |
| |
| | | VERSE 218 |
| Cayphas | pcms1289 | | lauar thym del ym kyry |
| pcms1290 | | prag ythose mar wokky |
| pcms1291 | o | a ihesu whek |
| pcms1292 | | re iovyn drok yv gyne |
| pcms1293 | | na venta kammen tryle |
| pcms1294 | o | yn maner tek |
| |
| | | VERSE 219 |
| Ihc | pcms1295 | | bythqueth me ny wruk foly |
| pcms1296 | | leman prest dader thywhy |
| pcms1297 | | hag yn pup ethom gueres |
| pcms1298 | | sav certan nynso torn da |
| pcms1299 | | danvon guesyon an par-ma |
| pcms1300 | | gans arvow thum kemeres |
| |
| | | VERSE 220 |
| Cayphas | pcms1301 | | myns a wruk me an avow |
| pcms1302 | | hag a gyf dustynyow |
| pcms1303 | | ty the govs er byn laha |
| pcms1304 | | keuseugh lemman guykcoryon |
| pcms1305 | | del ough why synsys gueryon |
| pcms1306 | | pendra geusys an den-ma |
| |
| | | VERSE 221 |
| Pannarius | pcms1307 | | me an glewas dyougel |
| pcms1308 | | lyes guyth ov leuerel |
| pcms1309 | | an temple y wre terry |
| pcms1310 | | hag arte y threheuel |
| pcms1311 | | yn try-dyth na vye guel |
| pcms1312 | | the hemma of dustyny |
| |
| | | VERSE 222 |
| Mercenarius | pcms1313 | | ha me a thek dustyny |
| pcms1314 | | yn clewys ov leuerel |
| pcms1315 | | trey-dyth wose y terry |
| pcms1316 | | y wrefe y threheuel |
| |
| | | VERSE 223 |
| Cayphas | pcms1317 | | travyth ny wreth gorthyby |
| pcms1318 | | er byn dustenyow lel |
| pcms1319 | | yth heuel bos falsury |
| pcms1320 | | gynes pan wreta tewel |
| pcms1321 | | me ath conior yredy |
| pcms1322 | | a barth dev gans ol ov nel |
| pcms1323 | | thymmo vy may leuerry |
| pcms1324 | | mar sosa map dev vhel |
| |
| | | VERSE 224 |
| Ihc | pcms1325 | | del yw ty ren leuerys |
| pcms1326 | | sav wheth me a leuer thys |
| pcms1327 | | woge hen-ma ty a wel |
| pcms1328 | | map dev sur ow thesethe |
| pcms1329 | | a bart dyow thy lawe |
| pcms1330 | | then tas dev arluth huhel |
| |
| | | VERSE 225 |
| pcms1331 | | ha deyth brues thergh of a thue |
| pcms1332 | | ha why an guylvyth certan |
| pcms1333 | | yn yer worth agas yugge |
| pcms1334 | | ol tus an beys cref ha guan |
| Cayphas | pcms1335 | | an fals re scornyes gyne |
| pcms1336 | | nynsus ethom nag onan |
| pcms1337 | | thywhy a dustynye |
| pcms1338 | | pan clevseugh covs an gevan |
| |
| | | VERSE 226 |
| pcms1339 | | pendra yn agas cusyl |
| pcms1340 | | yv guel thotho the wruthyl |
| pcms1341 | | leuereugh me agas peys |
| Princeps annas | pcms1342 | | ef re thyndyles yn ta |
| pcms1343 | | gothaf mernens yn bys-ma |
| pcms1344 | | mara pethe lel iuggys |
| |
| | | VERSE 227 |
| Cayphas | pcms1345 | | rum fay guyr yv agas cous |
| pcms1346 | | ef an pren sur wythovt flous |
| pcms1347 | | yn ta del yn dyndylas |
| pcms1348 | | tormentours a barth an pla |
| pcms1349 | | mur dyspyt theugh my a wra |
| pcms1350 | | deugh yn rag yn kettep guas |
| |
| | | VERSE 228 |
| Tortor i | pcms1351 | | voiaveth we buth y com |
| pcms1352 | | tellyth anon al an sum |
| pcms1353 | | mar syv the voth epscop stout |
| pcms1354 | | pendra reys thynny the gul |
| pcms1355 | | rag me an gura by my skul |
| pcms1356 | | pepenak vo wythout dout |
| |
| | | VERSE 229 |
| Cayphas | pcms1357 | | tormentours caradowyon |
| pcms1358 | | hep whethe corn na gul son |
| pcms1359 | | kerugh ihesu thynny ny |
| pcms1360 | | pur ankensy gans dornow |
| pcms1361 | | thotho war an scovornow |
| pcms1362 | | reugh boxsesow trewysy |
| |
| | | VERSE 230 |
| Tortor i | pcms1363 | | syr cayfas re synt iouyn |
| pcms1364 | | me a wra the gorhemmyn |
| pcms1365 | o | fest yn lowen |
| pcms1366 | | wel y met harlot ioudyn |
| pcms1367 | | ty a fyth boxsesow tyn |
| pcms1368 | o | war an dywen |
| |
| | | VERSE 231 |
| Tortor ii | pcms1369 | | gorteugh lemmyn cowethe |
| pcms1370 | | gans queth me a vyn cuthe |
| pcms1371 | | y fas hag onan an guysk |
| pcms1372 | | yn uvr-ne ef dysmegys |
| pcms1373 | | py gansse y fue guyskys |
| pcms1374 | | senseugh ef yn agan mysk |
| |
| | | VERSE 232 |
| Tortor iii | pcms1375 | | rum fay henna yv guary da |
| pcms1376 | | y cuthe scon me a wra |
| pcms1377 | | guyskys lemmyn nep cowyth |
| pcms1378 | | may hallo ef dysmygy |
| pcms1379 | | mar syv map dev a vercy |
| pcms1380 | | pyv an guyskys an barth kleth |
| |
| | | VERSE 233 |
| Tortor iv | pcms1381 | | a pur lorel haue that |
| pcms1382 | | dysmyg lemmyn ty guas smat |
| pcms1383 | | mar sos crist map dev a nef |
| pcms1384 | | pyv a ros thyso an wat |
| pcms1385 | | ha mar a qureta rum pat |
| pcms1386 | | me a wra y guthe ef |
| |
| | | VERSE 234 |
| Tortor i | pcms1387 | | kyn na vynno dysmegy |
| pcms1388 | | dun yn rak gans an guary |
| pcms1389 | | ha ren thotho boxsusow |
| pcms1390 | | gans dornow ha guelynny |
| pcms1391 | | war an scovornow bysy |
| pcms1392 | | rak ef the cous whetlow gow |
| |
| | | VERSE 235 |
| Tortor ii | pcms1393 | | me a vyn y thyscuthe |
| pcms1394 | | hag yn spyt thotho true |
| pcms1395 | | war y fas hay dev lagas |
| pcms1396 | | ha why yn weth cowethe |
| pcms1397 | | pup vr gureugh y thyspytye |
| pcms1398 | | ha daffole fast an guas |
| |
| | | VERSE 236 |
| Tortor iii | pcms1399 | | me a tru sur vn clotte bras |
| pcms1400 | | ware yn y theu-lagas |
| pcms1401 | | may cutho hanter y fath |
| pcms1402 | | yn ta ef ren dyndylas |
| pcms1403 | | pan cam worthybys cayfas |
| pcms1404 | | cafus drok hag yfle grath |
| |
| | | VERSE 237 |
| Tortor iv | pcms1405 | | en keth guas-ma ythese |
| pcms1406 | | gans ihesu worth y seruye |
| pcms1407 | | hay naghe byth ny wyla |
| pcms1408 | | rak the gous a bref neffre |
| pcms1409 | | the vos den a galile |
| pcms1410 | | apert the pup vs omma |
| |
| | | VERSE 238 |
| Petrus | pcms1411 | | na seruys re dev an tas |
| pcms1412 | | na nyn aswonfys yn fas |
| pcms1413 | | kyns lemmyn y lyv nay feth |
| pcms1414 | | a thyraghough me a pys |
| pcms1415 | | ow bones ymskemunys |
| pcms1416 | | me mar an sewys bythqueth |
| |
| | | VERSE 239 |
| pcms1417 | | tru gouy ellas ellas |
| pcms1418 | | me the naghe mar thyfflas |
| pcms1419 | | ow arluth nep am care |
| pcms1420 | | yn naghen ef am guarnyas |
| pcms1421 | | rak henna me a sorras |
| pcms1422 | | hag a tos na wren neffre |
| |
| | | VERSE 240 |
| pcms1423 | | me a yl bos cuthygyk |
| pcms1424 | | ow bones mar anfugyk |
| pcms1425 | | dres pup den ol vs yn beys |
| pcms1426 | | ov colon yv marthys claf |
| pcms1427 | | lowenhe me ny allaf |
| pcms1428 | | gouy vyth pan yn neghys |
| |
| | | VERSE 241 |
| pcms1429 | | my ny fethaf sur rak meth |
| pcms1430 | | dos yn mysk ow brudereth |
| pcms1431 | | awos cous ger vyth gansa |
| pcms1432 | | ellas pyth yv thym cusyl |
| pcms1433 | | orth an dra-ma the wruthyl |
| pcms1434 | | tru gouy pan yn gruga |
| |
| | | VERSE 242 |
| pcms1435 | | ihesu whek ow arluth ker |
| pcms1436 | | ahanaf vy whet preder |
| pcms1437 | | ha gaf thymmo ov trespas |
| pcms1438 | | yth a pyas thym gul foly |
| pcms1439 | | trystya a wraf yth vercy |
| pcms1440 | | cothys of yn edrek bras |
| |
| | | VERSE 243 |
| pcms1441 | | me a wruk trespastye cref |
| pcms1442 | | pan yn neghys dev a nef |
| pcms1443 | | hag ol y wythres keffrys |
| pcms1444 | | ellas guthyl yn della |
| pcms1445 | | gaf thym lemmyn yn tor-ma |
| pcms1446 | | a luen golon me ath pys |
| |
| | | VERSE 244 |
| Cayphas | pcms1447 | | annas whek pyth yv cusyl |
| pcms1448 | | thynny guella the wruthyl |
| pcms1449 | o | worth an treytor |
| Princeps annas | pcms1450 | | me a leuer theugh ware |
| pcms1451 | | dun warbarth thy examnye |
| pcms1452 | o | an vyl brybor |
| |
| | | VERSE 245 |
| Cayphas | pcms1453 | | rum fey honna yv cusyl da |
| pcms1454 | | yn kettella me a wra |
| pcms1455 | | dun bys thotho hep lettye |
| pcms1456 | | guas da crocer thym ymma |
| pcms1457 | | a aswon mur a laha |
| pcms1458 | | connyngh yv ow tysputye |
| |
| | | VERSE 246 |
| Crociarius | pcms1459 | | me a thysput worto ef |
| pcms1460 | | kyn feue map dev an nef |
| pcms1461 | | na map an iaul ny rof bram |
| pcms1462 | | py nyl pynagol may fo |
| pcms1463 | | me a wra by god ys fo |
| pcms1464 | | y concludye war vn lam |
| |
| | | VERSE 247 |
| Cayphas | pcms1465 | | dreugh an profus aberueth |
| pcms1466 | | rak me a vyn yn pryueth |
| pcms1467 | | whet vn wyth y examnye |
| pcms1468 | | mar keus ken es guyryoneth |
| pcms1469 | | my an te thys war ow feyth |
| pcms1470 | | ef an pren kyns tremene |
| |
| | | VERSE 248 |
| Tortor i | pcms1471 | | syres theugh me an doro |
| pcms1472 | | dus yn rak god yve thy wo |
| pcms1473 | o | theth anfugy |
| pcms1474 | | ef ny vyn by god ys fo |
| pcms1475 | | awos myns a wren thotho |
| pcms1476 | o | keusel thynny |
| |
| | | VERSE 249 |
| Cayphas | pcms1477 | | lauar thynny guyryoneth |
| pcms1478 | | hep feyntys na falsury |
| pcms1479 | | mar sosa crist map daueth |
| pcms1480 | | pen dres ol an profugy |
| Ihc | pcms1481 | | kyn leuerryf guyr den fyth |
| pcms1482 | | ahanough ny vyn crygy |
| pcms1483 | | mar a cofynnaf trauyth |
| pcms1484 | | y wothough ow gorthyby |
| |
| | | VERSE 250 |
| pcms1485 | | woge hemma why a wel |
| pcms1486 | | map dev sur ov ysethe |
| pcms1487 | | a barth dyov dyougel |
| pcms1488 | | then tas dev yn lowene |
| Cayphas | pcms1489 | | ytho thynny yth heuel |
| pcms1490 | | dre henna war ow laute |
| pcms1491 | | the vos map dev mur y nel |
| pcms1492 | | luen a vercy ha pyte |
| |
| | | VERSE 251 |
| Ihc | pcms1493 | | why re leuerys ow bos |
| pcms1494 | | ha pur wyr yn della of |
| pcms1495 | | why a wra y aswonvos |
| pcms1496 | | deth brus hag an kyf yn prof |
| Cayphas | pcms1497 | | pyth yv an ethom gortos |
| pcms1498 | | na cafus dustynyow |
| pcms1499 | | aban wreth y aswonvos |
| pcms1500 | | dampnys yv dre y ganow |
| |
| | | VERSE 252 |
| Princeps annas | pcms1501 | | dun ganso er y anfus |
| pcms1502 | | the pylat agan iustys |
| pcms1503 | | may hallo cafus y vrus |
| pcms1504 | | ha kyns dos sabot lethys |
| Judas | pcms1505 | | me re peghes marthys trus |
| pcms1506 | | guyr gos dev pan yn guyrthys |
| pcms1507 | | rak henna an guella vs |
| pcms1508 | | dascor myns mone yv pys |
| |
| | | VERSE 253 |
| Cayphas | pcms1509 | | pendra yv henna thynny |
| pcms1510 | | aban vynsys y werthe |
| pcms1511 | | ty a wor guyr yredy |
| pcms1512 | | ny wrugh den the constryne |
| |
| | | VERSE 254 |
| Judas | pcms1513 | | aban nag vs ken maner |
| pcms1514 | | an arhans kettep dyner |
| pcms1515 | | me as deghes war an luer |
| pcms1516 | | hag a vyn scon ymgregy |
| pcms1517 | | rag ow querthe crist thywhy |
| pcms1518 | | me re peghes marthys mur |
| |
| | | VERSE 255 |
| pcms1519 | | ye mar vur me re peghas |
| pcms1520 | | ow querthe crist luen a ras |
| pcms1521 | | then yethewon the lathe |
| pcms1522 | | moy yv ys mercy an tas |
| pcms1523 | | nag vs forth thymmo ellas |
| pcms1524 | | the vos sylwys rum leaute |
| |
| | | VERSE 256 |
| pcms1525 | | me a vyn setye colm re |
| pcms1526 | | may fastyo an colm wharre |
| pcms1527 | | sur adro thum bryangen |
| pcms1528 | | a thysempys thum tage |
| pcms1529 | | gouy vyth rak edrege |
| pcms1530 | | bos mar hager ow gorfen |
| |
| | | VERSE 257 |
| Satanas | pcms1531 | | mal yv gynef the gafus |
| pcms1532 | | the vos gynen the terrus |
| pcms1533 | | yn the pegh rak the tage |
| pcms1534 | | the enef plos casadow |
| pcms1535 | | ny vyn dos dre the anow |
| pcms1536 | | rag the crist ty the amme |
| |
| | | VERSE 258 |
| Cayphas | pcms1537 | | en arhans me a gymer |
| pcms1538 | | hagh as guyth kettep dyner |
| pcms1539 | | yn certan rak an termyn |
| pcms1540 | | ny goth aga bos gorrys |
| pcms1541 | | yn arghov rak bos prennys |
| pcms1542 | | ganse mernans den bryntyn |
| |
| | | VERSE 259 |
| Princeps annas | pcms1543 | | me a gesul bos ganse |
| pcms1544 | | prennys da gwon yn nep le |
| pcms1545 | | rag an clathva crystunyon |
| pcms1546 | | ma na vons y ov flerye |
| pcms1547 | | aga fleyr a yl schyndye |
| pcms1548 | | ha lathe mur yethewon |
| |
| | | VERSE 260 |
| Cayphas | pcms1549 | | rum fey homma yv cusyl da |
| pcms1550 | | my a vyn gul yn della |
| pcms1551 | | py le penag ys kyffyn |
| Crociarius | pcms1552 | | yma goon vras thymmo vy |
| pcms1553 | | me as guerth theugh yredy |
| pcms1554 | | a thek-warn-ugans sterlyn |
| |
| | | VERSE 261 |
| Cayphas | pcms1555 | | ha my as pren thyworthys |
| pcms1556 | | otte an mone parys |
| pcms1557 | o | thyso the pe |
| pcms1558 | | a weyl ol then arlythy |
| pcms1559 | | me as pe yn surredy |
| pcms1560 | o | thyso whare |
| |
| | | VERSE 262 |
| Crociarius | pcms1561 | | me as kymmer yn lowen |
| pcms1562 | | hag a gul trank hep worfen |
| pcms1563 | o | thys y guerthe |
| pcms1564 | | the anciethyas crystenyon |
| pcms1565 | | na vons yn mysk yethewon |
| pcms1566 | o | ov fleyrye re |
| |
| | | VERSE 263 |
| Cayphas | pcms1567 | | syr pylat thys lowene |
| pcms1568 | | otte an ihesu gyne |
| pcms1569 | | dres bys thyso yu kelmys |
| pcms1570 | | me ren cafas ov treylye |
| pcms1571 | | agan tus yn lyes le |
| pcms1572 | | yn mes a grygyans pup prys |
| |
| | | VERSE 264 |
| Princeps annas | pcms1573 | | me an clewas ov tyffen |
| pcms1574 | | na vo reys awos heghen |
| pcms1575 | | trubit vyth the syr cesar |
| pcms1576 | | hag ow bostye y bos ef |
| pcms1577 | | cryst guyr vn vap dev a nef |
| pcms1578 | | yn bys-ma nan geves par |
| |
| | | VERSE 265 |
| Pilatus | pcms1579 | | wolcom kayfas rum leaute |
| pcms1580 | | ty hag ol the gowethe |
| pcms1581 | o | certan ym hel |
| pcms1582 | | lauar thymmo vy yn scon |
| pcms1583 | | mar sos myghtern yethewon |
| pcms1584 | o | cous gans mur nel |
| |
| | | VERSE 266 |
| Ihc | pcms1585 | | pylat ty re leuerys |
| pcms1586 | | yn certan kepar del yv |
| pcms1587 | | pur wyryoneth re geusys |
| pcms1588 | | ahanaf ren geth hethev |
| Pilatus | pcms1589 | | my ny welaf ken yn bys |
| pcms1590 | | may fe an keth den-ma guyv |
| pcms1591 | | dre reson the vos lethys |
| pcms1592 | | guel vye y gase bev |
| |
| | | VERSE 267 |
| Princeps annas | pcms1593 | | yma ov treyle deffry |
| pcms1594 | | ol an wlascor a iudi |
| pcms1595 | | ov talleth yn galile |
| pcms1596 | | bys omma prest ov tysky |
| pcms1597 | | ynno pup den ol crygy |
| pcms1598 | | hag ef avel dev gorthye |
| |
| | | VERSE 268 |
| Pilatus | pcms1599 | | leuereugh thymmo whare |
| pcms1600 | | mar syv den a galile |
| pcms1601 | | hag a gallos erodes |
| pcms1602 | | me a wra sur y thanfon |
| pcms1603 | | then turont erod yn scon |
| pcms1604 | | mar sywe ay arlottes |
| |
| | | VERSE 269 |
| Princeps annas | pcms1605 | | syre me a leuer thys |
| pcms1606 | | pur wyr ef a fue genys |
| pcms1607 | | pur evn y bethlem iudi |
| pcms1608 | | gruys da vye me a grys |
| pcms1609 | | thotho y vos danvenys |
| pcms1610 | | del ywe arluth thynny |
| |
| | | VERSE 270 |
| Pilatus | pcms1611 | | ef a thotho rum leaute |
| pcms1612 | | ny vennaf pella lettye |
| pcms1613 | | marregyon me agas pys |
| pcms1614 | | orreugh ef the erod scon |
| pcms1615 | | leuereugh my thy thanfon |
| pcms1616 | | thotho rak gul both y vrys |
| |
| | | VERSE 271 |
| Miles i | pcms1617 | | me an gor thotho rum sovl |
| pcms1618 | | mar nyn gorraf an myl dyaul |
| pcms1619 | | re dorrow mellow y gyn |
| pcms1620 | | uynytha na effo coul |
| pcms1621 | | dus yn rak yma thym toul |
| pcms1622 | | guthyl may fe the wos yeyn |
| |
| | | VERSE 272 |
| Princeps annas | pcms1623 | | syr cayphas so mote y go |
| pcms1624 | | da vye thyn mos ganso |
| pcms1625 | | may hyllyn y acusye |
| pcms1626 | | ha danvon thagan doctours |
| pcms1627 | | may fons rag agan onours |
| pcms1628 | | er-y-byn ov tysputye |
| |
| | | VERSE 273 |
| Cayphas | pcms1629 | | that ys south by god ys fo |
| pcms1630 | | and ellys god yeue yow wo |
| pcms1631 | | annas whek ren arluth dev |
| pcms1632 | | lyzt fonde cannas paramour |
| pcms1633 | | ke lauar thun dev doctour |
| pcms1634 | | dos the gous er byn ihesu |
| |
| | | VERSE 274 |
| Nuncius i | pcms1635 | | henna me a wra hep let |
| pcms1636 | | an elles the difl yow fet |
| pcms1637 | | ganso the dre yn y wlas |
| pcms1638 | | bot yowr doctours y yov fet |
| pcms1639 | | bys yn iherusalem sket |
| pcms1640 | | god yeue yow al yfle gras |
| |
| | | VERSE 275 |
| Cayphas | pcms1641 | | wel thew fare messeger |
| pcms1642 | | fystyn dywhans gans en ger |
| pcms1643 | o | a thesempys |
| pcms1644 | | ha rewardys ty a vyth |
| pcms1645 | | a thyworthyf vy rum fyth |
| pcms1646 | o | sur kyns pen vys |
| |
| | | VERSE 276 |
| Nuncius i | pcms1647 | | heil doctours ha mestrigi |
| pcms1648 | | cayphas re hyrghys thywhy |
| pcms1649 | | a thos the ierusalem |
| pcms1650 | | the dysputye worth ihesu |
| pcms1651 | | a leuer y vos map dev |
| pcms1652 | | a fue genys yn bethlem |
| |
| | | VERSE 277 |
| Doctor i | pcms1653 | | pur parys thy worhemmyn |
| pcms1654 | | ny a thy a ver termyn |
| pcms1655 | | agan dev wythoute fal |
| pcms1656 | | hag an conclud an iaudyn |
| pcms1657 | | a leuer y vos dev thyn |
| pcms1658 | | na gouse moy ys margh dal |
| |
| | | VERSE 278 |
| Doctor ii | pcms1659 | | me an conclud yredy |
| pcms1660 | | ma na wothfo gorthyby |
| pcms1661 | | vn reson thum argument |
| pcms1662 | | a syv an den-na goky |
| pcms1663 | | mar myn er-agan-pyn ny |
| pcms1664 | | cous reson vyth uerement |
| |
| | | VERSE 279 |
| Nuncius ii | pcms1665 | | ef a geus lauarow stout |
| pcms1666 | | hag a leuer the pup prout |
| pcms1667 | | certan y vones map dev |
| pcms1668 | | neb a thue thagan brugy |
| pcms1669 | | yn ayr deth brus pup huny |
| pcms1670 | | hay hanow yv crist ihesu |
| |
| | | VERSE 280 |
| Miles ii | pcms1671 | | ke yn kerth ty ihesu plos |
| pcms1672 | | bysy vye thys gothuos |
| pcms1673 | | yn certan mur a scryptours |
| pcms1674 | | mara mynnyth gorthyby |
| pcms1675 | | hytheu concludys na vy |
| pcms1676 | | mar kevs thyso an doctours |
| |
| | | VERSE 281 |
| Herodes | pcms1677 | | ny vennaf pel ym-breyse |
| pcms1678 | | rag nynsyv an vaner vas |
| pcms1679 | | the voy denuyth nym gorse |
| pcms1680 | | kyn facyen mur renothas |
| |
| | | VERSE 282 |
| Cayphas | pcms1681 | | heil syr lord and emperour |
| pcms1682 | | heil now kyng of kynggys flour |
| pcms1683 | | arluth dres ol an bys-ma |
| pcms1684 | | fayr an suyt bryte of colour |
| pcms1685 | | pylat thywhy gans onour |
| pcms1686 | | re thanvonas vn adla |
| |
| | | VERSE 283 |
| Herodes | pcms1687 | | wolcom cayphas re iouyn |
| pcms1688 | | and yk annas me cosyn |
| pcms1689 | | hag ol agas cowethe |
| pcms1690 | | leuereugh a ver termyn |
| pcms1691 | | py hanow yv an iaudyn |
| pcms1692 | | thymmo a thanfonas e |
| |
| | | VERSE 284 |
| Princeps annas | pcms1693 | | hemma yv an keth ihesu |
| pcms1694 | | a leuer y vos map dev |
| pcms1695 | | map iosep an coth was gof |
| pcms1696 | | an temple ef a thyswra |
| pcms1697 | | yn trydyth ef an dregha |
| pcms1698 | | guel ages kyns mur yn prof |
| |
| | | VERSE 285 |
| Herodes | pcms1699 | | mar syv hemma an ihesu |
| pcms1700 | | wolcom yv ren arluth dev |
| pcms1701 | | y weles my re yevnys |
| pcms1702 | | ha pilat rak y thanfon |
| pcms1703 | | me an caruyth ym colon |
| pcms1704 | | alemma bys gorfen beys |
| |
| | | VERSE 286 |
| Doctor i | pcms1705 | | heil syre emperour an wlas |
| pcms1706 | | iouyn roy thys bos den mas |
| pcms1707 | | ha len reulye the wlascor |
| pcms1708 | | ha hayl thyso syr cayfas |
| pcms1709 | | ha hayl thyso prins annas |
| pcms1710 | | heyl thys ihesus an brybor |
| |
| | | VERSE 287 |
| Herodes | pcms1711 | | mestrygy wolcom ym tour |
| pcms1712 | | iouyn roy theugh mur onour |
| pcms1713 | | warbarth ol kyn gys merwel |
| pcms1714 | | na wreugh vn tuch vyth letye |
| pcms1715 | | a thesempys fystyne |
| pcms1716 | | kepar del ough tus vhel |
| |
| | | VERSE 288 |
| pcms1717 | | rak me a vyn dysputye |
| pcms1718 | | worth ihesu a nazare |
| pcms1719 | | ha worthys me a wouyn |
| pcms1720 | | mar sosa crist map dauyth |
| pcms1721 | | map dev pur ha den yn weth |
| pcms1722 | | dre the voth gorthyp lemyn |
| |
| | | VERSE 289 |
| Cayphas | pcms1723 | | y vos ef re leuerys |
| pcms1724 | | lyes trefeth yn clewys |
| pcms1725 | | ma na yl y thynaghe |
| pcms1726 | | map dev pur ha den keffrys |
| pcms1727 | | a vaghteth gulan dynythys |
| pcms1728 | | ha henna mur varth vye |
| |
| | | VERSE 290 |
| Doctor ii | pcms1729 | | me a bref bos gow henna |
| pcms1730 | | rak dev ha den yv dev dra |
| pcms1731 | | pur contraryus yn kende |
| pcms1732 | | dev yv spirys hep body |
| pcms1733 | | den yv corf gans ysyly |
| pcms1734 | | bos an thew-ma na alse |
| |
| | | VERSE 291 |
| Herodes | pcms1735 | | gorthyp lemyn ihesu whek |
| pcms1736 | | then mester del ym kyry |
| pcms1737 | | lauar fur mur thym am plek |
| pcms1738 | | mar sos dev dyswe thynny |
| |
| | | VERSE 292 |
| Doctor i | pcms1739 | | y gorthyby me a wra |
| pcms1740 | | ef a alse bos yn ta |
| pcms1741 | | hanter den ha hanter dev |
| pcms1742 | | den yv hanter morvoron |
| pcms1743 | | benen an pen then colon |
| pcms1744 | | yn della yw an ihesu |
| |
| | | VERSE 293 |
| Doctor ii | pcms1745 | | ef a leuerys yn weth |
| pcms1746 | | try deth woge mos yn beth |
| pcms1747 | | the vevnans y tasserhy |
| pcms1748 | | vn wyth mar pyth den marow |
| pcms1749 | | y spyrys neffre hep gow |
| pcms1750 | | byth ny thue yn y vody |
| |
| | | VERSE 294 |
| Doctor i | pcms1751 | | me a worthyp thyso lel |
| pcms1752 | | byth ny wruk ef leuerel |
| pcms1753 | | corf hag enef y syvy |
| pcms1754 | | ef a tassergh dyougel |
| pcms1755 | | lyes prys woge merwel |
| pcms1756 | | the pen try deyth yredy |
| |
| | | VERSE 295 |
| Herodes | pcms1757 | | ihesu prak na worthebyth |
| pcms1758 | | lauar thym awos trauyth |
| pcms1759 | | mara cruste leuerel |
| pcms1760 | | ken fe an temple dyswrys |
| pcms1761 | | kyn pen try dyth y wrussys |
| pcms1762 | | guel ys kyns y threheuel |
| |
| | | VERSE 296 |
| Doctor ii | pcms1763 | | mara leuersys henna |
| pcms1764 | | certan ty yv map an pla |
| pcms1765 | | den fyth ol murs dre pystry |
| pcms1766 | | yn try deyth nyn threhafse |
| pcms1767 | | pup pystryor y cothe |
| pcms1768 | | dre reson da y leysky |
| |
| | | VERSE 297 |
| Herodes | pcms1769 | | mar soge map dev a ras |
| pcms1770 | | dyswe thym nep meystry bras |
| pcms1771 | | may hyllyn dyso crygy |
| pcms1772 | | ha mara qureth renothas |
| pcms1773 | | me a syns the vos dremas |
| pcms1774 | | hag ath worth bys vynary |
| |
| | | VERSE 298 |
| pcms1775 | | pendra ny vente keusel |
| pcms1776 | | dout an ieues an losel |
| pcms1777 | | mar keus y vos concludyys |
| pcms1778 | | nyn syv lemyn vn boba |
| pcms1779 | | kyn gys y vos alemma |
| pcms1780 | | yn guyn ef a vyth guyskys |
| |
| | | VERSE 299 |
| pcms1781 | | yn tokyn y vos goky |
| pcms1782 | | ha myns a geusys foly |
| pcms1783 | | ma na veath y avowe |
| pcms1784 | | hethough cercot a baly |
| pcms1785 | | thotho me a vyn y ry |
| pcms1786 | | rag ef thym the lafurye |
| |
| | | VERSE 300 |
| Consultor | pcms1787 | | syre ottensy parys |
| pcms1788 | | as guyskens a thesempys |
| pcms1789 | | adro thotho ef mar myn |
| pcms1790 | | maga guyn auel an gurys |
| pcms1791 | | dyeth vye bones reys |
| pcms1792 | | queth an par-ma the iaudyn |
| |
| | | VERSE 301 |
| Herodes | pcms1793 | | thotho ef me an vossaw |
| pcms1794 | | epscop pryns doctor ha maw |
| pcms1795 | | then iustis pylat arte |
| pcms1796 | | eugh ganso yn kettep pen |
| pcms1797 | | my ny gafaf ynno ken |
| pcms1798 | | may cothfo thym y lathe |
| |
| | | VERSE 302 |
| Cayphas | pcms1799 | | syre ny an gor wharre |
| pcms1800 | | the pylat fast bys yn tre |
| pcms1801 | | hag ef syngyns guyryoneth |
| pcms1802 | | farwel syour we wol go |
| pcms1803 | | ow bennath yth chy re bo |
| pcms1804 | | mar luen os a skenteleth |
| |
| | | VERSE 303 |
| Herodes | pcms1805 | | wel thow fare syr cayfas |
| pcms1806 | | and yk me cosyn annas |
| pcms1807 | | cussyllyough menough ihesu |
| pcms1808 | | a gase y wokyneth |
| pcms1809 | | ha treyle the skentuleth |
| pcms1810 | | ow tyweth na ganno tru |
| |
| | | VERSE 304 |
| Princeps annas | pcms1811 | | me ren cusullyes myl wyth |
| pcms1812 | | sav ny vyn awos trauyth |
| pcms1813 | | gage y tebel crygyans |
| pcms1814 | | ol mens trespas a wruge |
| pcms1815 | | thotho ef me an gafse |
| pcms1816 | | a menne gelwel gyuyans |
| |
| | | VERSE 305 |
| Miles i | pcms1817 | | a uyl gadlyng dues yn rag |
| pcms1818 | | wor tyweth whet crok ath tag |
| pcms1819 | | otte ha coynt o an guas |
| pcms1820 | | pa na vynne gorthyby |
| pcms1821 | | a thyrak an arlythy |
| pcms1822 | | the resons an doctors bras |
| |
| | | VERSE 306 |
| Doctor i | pcms1823 | | farwel syres we wol go |
| pcms1824 | | for thys cher haf we y do |
| pcms1825 | o | somot y thue |
| pcms1826 | | yn certan kyn na gowso |
| pcms1827 | | dre laha y coth dotho |
| pcms1828 | o | drok dywethe |
| |
| | | VERSE 307 |
| Cayphas | pcms1829 | | syr doctors rys yv theugh whet |
| pcms1830 | | bys ma fo gurys an dywet |
| pcms1831 | | certan gynen laufurye |
| pcms1832 | | rak an harlot a geus freth |
| pcms1833 | | pur wyr ynno nyn sus meth |
| pcms1834 | | theugh leuaraf rum laute |
| |
| | | VERSE 308 |
| Doctor ii | pcms1835 | | yn lowen gynough my a |
| pcms1836 | | mara kellyn theugh gul da |
| pcms1837 | | na seuel yn le tyller |
| pcms1838 | | yn le may fynny a wyth |
| pcms1839 | | ma na gaffo gorthyp vyth |
| pcms1840 | | er-agan-pyn the cous ger |
| |
| | | VERSE 309 |
| Miles ii | pcms1841 | | heyl syr iustis yn the tour |
| pcms1842 | | myghtern erod gans onour |
| pcms1843 | | re thanfonas ihesu thys |
| pcms1844 | | hag yn guyn ef ren guyscas |
| pcms1845 | | vynytha dalafias |
| pcms1846 | | ef ath caruyth me a grys |
| |
| | | VERSE 310 |
| Pilatus | pcms1847 | | synt iouyn whek ren carro |
| pcms1848 | | ha dres pup ol ren gorthyo |
| pcms1849 | | kepar del ylle yn ta |
| pcms1850 | | lemyn pryns ha mestrygy |
| pcms1851 | | hag epscop cayfas deffry |
| pcms1852 | | why re thros thym an den-ma |
| |
| | | VERSE 311 |
| pcms1853 | | kepar ha pan dreyle ef |
| pcms1854 | | en dus thyworth dev an nef |
| pcms1855 | | ha worto pan wofynnyf |
| pcms1856 | | nep question by god ys fo |
| pcms1857 | | blam vyth ny gafaf ynno |
| pcms1858 | | nag erod an arluth cref |
| |
| | | VERSE 312 |
| pcms1859 | | pan fue genough acusyys |
| pcms1860 | | ef ny gafas fout yn bys |
| pcms1861 | | pan yn danfonas ef thyn |
| pcms1862 | | mar a mynne amendye |
| pcms1863 | | guel vye y thylyfrye |
| pcms1864 | | hep drocoleth thyworthyn |
| |
| | | VERSE 313 |
| pcms1865 | | how geyler a barth iouyn |
| pcms1866 | | ty hath page whyp an tyn |
| pcms1867 | | deugh agas dew scon yn rak |
| Carcerator | pcms1868 | | ol theth voth ov arluth ker |
| pcms1869 | | dynythys on hep danger |
| pcms1870 | | bys dys omma hep ardak |
| |
| | | VERSE 314 |
| Pilatus | pcms1871 | | vgor daras the pryson |
| pcms1872 | | ha gor ihesu ynno scon |
| pcms1873 | o | pols the powes |
| pcms1874 | | mar a mennyth kergh thotho |
| pcms1875 | | a thysempys may geffo |
| pcms1876 | o | sur vn mowes |
| |
| | | VERSE 315 |
| Garcon | pcms1877 | | syr arluth ker cuf colon |
| pcms1878 | | egerys yv an pryson |
| pcms1879 | o | wyth out ales |
| pcms1880 | | me an te thys war ow fyth |
| pcms1881 | | na nyl yn nos nag yn geyth |
| pcms1882 | o | nyn geuyth cres |
| |
| | | VERSE 316 |
| Carcerator | pcms1883 | | ty uaw lemyn synge fast |
| pcms1884 | | rak ef a wor lyes cast |
| pcms1885 | o | rak the tolle |
| pcms1886 | | den fel mur yv hag yngyn |
| pcms1887 | | gueyt y wrennye prest yn tyn |
| pcms1888 | o | byth na scapye |
| |
| | | VERSE 317 |
| Garcon | pcms1889 | | me an kelm yn kres an wast |
| pcms1890 | | may pysso ef atta last |
| pcms1891 | | gefyens war pen y theu-lyn |
| pcms1892 | | ha me a wra y tempre |
| pcms1893 | | byth na allo ef fye |
| pcms1894 | | nyn syw saw vn plos iaudyn |
| |
| | | VERSE 318 |
| Carcerator | pcms1895 | | ke a profeth cowyth whek |
| pcms1896 | | me ath pys gynes mar plek |
| pcms1897 | | war iouyn gylwel mercy |
| pcms1898 | | ha na gous kemmys whetlow |
| pcms1899 | | hag yn ur-na sur hep wow |
| pcms1900 | | ty a plek then arlythy |
| |
| | | VERSE 319 |
| Garcon | pcms1901 | | hag yn della mara qureth |
| pcms1902 | | neffre ny fyth scham na meth |
| pcms1903 | o | saw mur a ioy |
| pcms1904 | | onor a fyth vynytha |
| pcms1905 | | pup den ol ath car yn ta |
| pcms1906 | o | yn pur deffry |
| |
| | | VERSE 320 |
| Lucifer | pcms1907 | | og gouy mones mar pel |
| pcms1908 | | agan meystry dyougel |
| pcms1909 | | yn certan cryst a lygha |
| pcms1910 | | ny won the gul pyth yv guel |
| pcms1911 | | y vos map dev mur y nel |
| pcms1912 | | lemyn ny a wor yn ta |
| |
| | | VERSE 321 |
| Satanas | pcms1913 | | ellas bythqueth kyns lemmen |
| pcms1914 | | y vos guyr dev ny wythen |
| pcms1915 | | worth hemma pyth yv cusul |
| pcms1916 | | rak ef a gergh thyworthyn |
| pcms1917 | | kemmys na worthyo iouyn |
| pcms1918 | | hag a wra thyn drok bresul |
| |
| | | VERSE 322 |
| Belsebuc | pcms1919 | | leuereugh a thysempys |
| pcms1920 | | the wrek pilat an iustis |
| pcms1921 | | certan y tue vyngeans bras |
| pcms1922 | | war y gour mar pyth lethys |
| pcms1923 | | ihesu cryst an lel profys |
| pcms1924 | | hag yn weth war y fleghas |
| |
| | | VERSE 323 |
| Lucifer | pcms1925 | | ov benneth thys belsebuk |
| pcms1926 | | del ose pryns ha chyf duk |
| pcms1927 | | ha fur dres the cowethe |
| pcms1928 | | ty a yn certan thethy |
| pcms1929 | | a thysempys yn teffry |
| pcms1930 | | yn scon rak y cusyllye |
| |
| | | VERSE 324 |
| Belsebuc | pcms1931a | o | wharre thethy |
| pcms1931b | o | yn scon me a |
| pcms1932a | o | bythaf bysy |
| pcms1932b | o | sur war an dra |
| pcms1933a | o | hag yn teffry |
| pcms1933b | o | byth ny falla |
| pcms1934a | o | ow nygys vy |
| pcms1934b | o | spedye a wra |
| |
| | | VERSE 325 |
| pcms1935 | | heil a heil madama vras |
| pcms1936 | | danfon the pilat cannas |
| pcms1937 | | pur wyr y tue vyngeans tyn |
| pcms1938 | | mar pyth an guyryon dyswrys |
| pcms1939 | | warnough war agas fleghys |
| pcms1940 | | man gueller a uer termyn |
| |
| | | VERSE 326 |
| Uxor pilati | pcms1941 | | yw guyr thym a leueryth |
| pcms1942 | | ny fensen awos trauyth |
| pcms1943 | | yn della bos wharfethys |
| pcms1944 | | mar a quellan yn certan |
| pcms1945 | | drok thum fleghys na duan |
| pcms1946 | | ov colon a uyth terrys |
| |
| | | VERSE 327 |
| Belsebuc | pcms1947 | | pur wyr a lauaraf thys |
| pcms1948 | | certan mar pythe lethys |
| pcms1949 | | y tue uyngeans war the wour |
| pcms1950 | | ha war the fleghys keffrys |
| pcms1951 | | ef yv cryst map dev hynwys |
| pcms1952 | | danfenys a nef then nor |
| |
| | | VERSE 328 |
| Uxor pilati | pcms1953 | | aban ywe yn della |
| pcms1954 | | me a vyn danfon toth da |
| pcms1955 | | ow cannas rag y warnye |
| pcms1956 | | messeger ke alemma |
| pcms1957 | | leuerel thum arluth gura |
| pcms1958 | | ihesu na wrella dampnye |
| |
| | | VERSE 329 |
| pcms1959 | | rak me a welas dre huyn |
| pcms1960 | | pur wyr y tue mernans tyn |
| pcms1961 | | mara pythe ef lethys |
| pcms1962 | | warnotho re synt iouyn |
| pcms1963 | | man gueller a ver termyn |
| pcms1964 | | ha war y fleghys keffrys |
| |
| | | VERSE 330 |
| Nuncius ii | pcms1965 | | arlothes ker my a wra |
| pcms1966 | | agas nygys fystyne |
| pcms1967 | | dyspyt the vyrgh thedama |
| pcms1968 | | mar nyn guarnyaf scon wharre |
| |
| | | VERSE 331 |
| Pilatus | pcms1969 | | leuereugh thym hep lettye |
| pcms1970 | | pahan cheyson as bues why |
| pcms1971 | | er byn ihesu nazare |
| pcms1972 | | pan vynnough y thystrewy |
| Cayphas | pcms1973 | | me a worthyp thys warre |
| pcms1974 | | an guyryoneth yredy |
| pcms1975 | | tebel den ef mar ny fe |
| pcms1976 | | ny nyn drosen thyso gy |
| |
| | | VERSE 332 |
| Pilatus | pcms1977 | | ytho why kemereugh e |
| pcms1978 | | ha herwyth agas laha |
| pcms1979 | | ha concyans guregh y iuggye |
| pcms1980 | | then mernans mar coth henna |
| Princeps annas | pcms1981 | | ny dogoth thynny lathe |
| pcms1982 | | den uyth ol yn nor bys-ma |
| pcms1983 | | felon na lader kyn fe |
| pcms1984 | | hep brus iustis uynytha |
| |
| | | VERSE 333 |
| Pilatus | pcms1985 | | geiler ygor an daras |
| pcms1986 | | rak me a vyn daryuas |
| pcms1987 | o | worth ihesu wheth |
| pcms1988 | | anotho dygheth vye |
| pcms1989 | | y wokyneth na age |
| pcms1990 | o | hay muscoghneth |
| |
| | | VERSE 334 |
| Carcerator | pcms1991 | | whare theugh me an ygor |
| pcms1992 | | why a thyndylse onor |
| pcms1993 | o | mar calleugh dry |
| pcms1994 | | An ihesu the cen crygyans |
| pcms1995 | | ef re trylyas lyes cans |
| pcms1996 | o | yn mes an fey |
| |
| | | VERSE 335 |
| Pilatus | pcms1997 | | lauar thymo vy yn scon |
| pcms1998 | | yv ty myghtern yethewon |
| pcms1999 | | kepar del fus acusyys |
| Ihc | pcms2000 | | guyr a leuersys certan |
| pcms2001 | | thym ath ganow the honan |
| pcms2002 | | py gans ken re yu dyssys |
| |
| | | VERSE 336 |
| Pilatus | pcms2003 | | lauar mar sof vy yethow |
| pcms2004 | | the bobil hep falladow |
| pcms2005 | | han epscobow kekyffrys |
| pcms2006 | | ath dros bys thymmo omma |
| pcms2007 | | pan drok-kuleth a wrusta |
| pcms2008 | | gorthyp vy na uyf tollys |
| |
| | | VERSE 337 |
| Ihc | pcms2009 | | the worthyby me a wra |
| pcms2010 | | nyn syv ow gulas an bys-ma |
| pcms2011 | | hag yn certan a pe hy |
| pcms2012 | | ov seruons byth nym gasse |
| pcms2013 | | then yethewon ow guerthe |
| pcms2014 | | nam bues gulas ynno deffry |
| |
| | | VERSE 338 |
| Pilatus | pcms2015 | | ytho dre henna ythyv |
| pcms2016 | | the vos myghtern war nep cor |
| pcms2017 | | pan leuerta thym ihesu |
| pcms2018 | | thyso gy bones gulascor |
| |
| | | VERSE 339 |
| Ihc | pcms2019 | | ty re leuerys an guyr |
| pcms2020 | | myghtern of war wlas ha tyr |
| pcms2021 | | yn henna y fuf genys |
| pcms2022 | | rak henna then bys y tuyth |
| pcms2023 | | rag don dustiny ha guryth |
| pcms2024 | | then lendury yn pup prys |
| |
| | | VERSE 340 |
| pcms2025 | | pepenag vo an barth wyr |
| pcms2026 | | a cleufyth ov voys yn tyr |
| pcms2027 | | sarsyn py yethow kynfo |
| Pilatus | pcms2028 | | lauar thymmo er the fyth |
| pcms2029 | | pandra yv ol guyryoneth |
| pcms2030 | | pan geusyth mur annotho |
| |
| | | VERSE 341 |
| pcms2031 | | me as guarn yowynk ha hen |
| pcms2032 | | my ny gafaf ynno ken |
| pcms2033 | | may cothfo thym y dampne |
| pcms2034 | | bythqueth re bue vs geneugh |
| pcms2035 | | war pask my the ase theugh |
| pcms2036 | | vn prysner hay thelyffre |
| |
| | | VERSE 342 |
| pcms2037 | | a vynnegh ol assentye |
| pcms2038 | | rak pask my a thylyfrye |
| pcms2039 | | ihesu myghtern yethewon |
| Cayphas | pcms2040 | | a na vynnyn syr iustys |
| pcms2041 | | sau barabas ny a pys |
| pcms2042 | | vgy yn colm yn pryson |
| |
| | | VERSE 343 |
| Pilatus | pcms2043 | | a ihesu a sos gocky |
| pcms2044 | | scon ty a fyth anfugy |
| pcms2045 | | tormentours abarth an iaul |
| pcms2046 | | fysteneugh thagas kregy |
| pcms2047 | | degovgh genough pup huny |
| pcms2048 | | whyppys da ragas bo meul |
| |
| | | VERSE 344 |
| Tortor i | pcms2049 | | heil volaueth syr iustis |
| pcms2050 | | a wetta ny deuethys |
| pcms2051 | | warbarth han kenso galow |
| pcms2052 | | lauar thynny me ath pys |
| pcms2053 | | the volungeth a ver spys |
| pcms2054 | | na ven lettyes gans whethlow |
| |
| | | VERSE 345 |
| Pilatus | pcms2055 | | tormentours an keth guas-ma |
| pcms2056 | | gans skorgys ha whyppys da |
| pcms2057 | | guregh y cronkye tor ha keyn |
| pcms2058 | | worth an post yn le may ma |
| pcms2059 | | y gelmy fast why a wra |
| pcms2060 | | gans louan ha chaynys yen |
| |
| | | VERSE 346 |
| pcms2061 | | ha mar ny fyn dynaghe |
| pcms2062 | | y gow ha mercy crye |
| pcms2063 | | hag amendye y treyson |
| pcms2064 | | gans spern guregh y curene |
| pcms2065 | | rak an harlot the facie |
| pcms2066 | | y vos myghtern yethewon |
| |
| | | VERSE 347 |
| Tortor ii | pcms2067 | | henna me a wra rum tros |
| pcms2068 | | mal yv gynef y gaffos |
| pcms2069 | | rak y worre thy ancow |
| pcms2070 | | a harlot ymskemunys |
| pcms2071 | | worth post ty a uyth kelmys |
| pcms2072 | | the wothaf an strecusow |
| |
| | | VERSE 348 |
| pcms2073 | | me an kelm by god ys fas |
| pcms2074 | | hag a cach an cercot vras |
| pcms2075 | | the ves vs adro thotho |
| pcms2076 | | may haller ry yfle gras |
| pcms2077 | | ha knoukye prest tys-ha-tas |
| pcms2078 | | vengyans the nep an sparryo |
| |
| | | VERSE 349 |
| Tortor iv | pcms2079 | | me a gelm fast an losel |
| pcms2080 | | may hallo pup ol the wel |
| pcms2081 | | dotho ef ry strekesow |
| pcms2082 | | lemyn ol byan ha bras |
| pcms2083 | | knoukyough ef del dyndylas |
| pcms2084 | | may cosso y tynwennow |
| |
| | | VERSE 350 |
| Tortor i | pcms2085 | | my an knouk ef er y wev |
| pcms2086 | | otte mellow y geyn brev |
| pcms2087 | | haue that ty uyl brathky |
| pcms2088 | | ow bommyn yv marthys glev |
| pcms2089 | | ny fyn an guas gelwel tru |
| pcms2090 | | na pygy cafus merci |
| |
| | | VERSE 351 |
| Tortor ii | pcms2091 | | me an knouk fest dybyte |
| pcms2092 | | man geffo pup ol bysne |
| pcms2093 | | ow myres worth y vody |
| pcms2094 | | del wascaf y peydrennow |
| pcms2095 | | may fo gos y vlewennow |
| pcms2096 | | hay corf ol kyns ys hethy |
| |
| | | VERSE 352 |
| pcms2097 | | a uyl losel reth fo crok |
| pcms2098 | | me a wra thys mur a throk |
| pcms2099 | | ha dyspit somot y go |
| pcms2100 | | hag ath whyp war an wolok |
| pcms2101 | | may whylly guryghon ha mok |
| pcms2102 | | the thev-lagas a dre dro |
| |
| | | VERSE 353 |
| Tortor iii | pcms2103 | | ty an guysk auel caugh was |
| pcms2104 | | ty a wor guel bremmyn bras |
| pcms2105 | | dyllo menough mes ath tyn |
| pcms2106 | | a harlot yn spit theth fas |
| pcms2107 | | gans ov scorge tys-ha-tas |
| pcms2108 | | me ath wysk may fo drok pyn |
| |
| | | VERSE 354 |
| Tortor i | pcms2109 | | fy theugh a vosteryon plos |
| pcms2110 | | awos agas fas ha tros |
| pcms2111 | | ny wra bom y worlene |
| pcms2112 | | an harlot foul y berhen |
| pcms2113 | | awos kemmys drok a wren |
| pcms2114 | | an beys ny fyn tremene |
| |
| | | VERSE 355 |
| Tortor ii | pcms2115 | | aban na fyn dewethe |
| pcms2116 | | me a vyn y curune |
| pcms2117 | | auel myghtern yethewon |
| pcms2118 | | otte spern grisyl gyne |
| pcms2119 | | ha dreyn lym ha scharp ynne |
| pcms2120 | | a grup bys yn empynyon |
| |
| | | VERSE 356 |
| Tortor iii | pcms2121 | | me a ordyn y wyske |
| pcms2122 | | yn purpyr rych rum laute |
| pcms2123 | | kepar del goth the vyghtern |
| pcms2124 | | a fo nowyth curunys |
| pcms2125 | | myghtern yethewon heil thys |
| pcms2126 | | rak the sallugy ny vern |
| |
| | | VERSE 357 |
| Tortor iv | pcms2127 | | ot omma gynef hep fal |
| pcms2128 | | queth ruth certan purpur pal |
| pcms2129 | | the wyske adro thotho |
| pcms2130 | | dyeth fest vye rum chal |
| pcms2131 | | y uos yn kerghen map gal |
| pcms2132 | | kemer y dyspit reth fo |
| |
| | | VERSE 358 |
| Tortor i | pcms2133 | | aban yv y queth guyskys |
| pcms2134 | | y curyn a fyth syttyys |
| pcms2135 | | auel myghtern war y pen |
| pcms2136 | | tynnough ol gans mur a grys |
| pcms2137 | | may fo dreyn an guryn cys |
| pcms2138 | | yn empynnyon dre an cen |
| |
| | | VERSE 359 |
| Tortor ii | pcms2139 | | me as ten gans ol ov nerth |
| pcms2140 | | may thentre an spikys serth |
| pcms2141 | | dre an cen yn y grogen |
| pcms2142 | | ha scullye y ympynnyon |
| pcms2143 | | heil myghtern an yethewon |
| pcms2144 | | ymwyth lemman rag an ken |
| |
| | | VERSE 360 |
| Pilatus | pcms2145 | | benes vos theugh tormentors |
| pcms2146 | | powesough lymmyn vn cors |
| pcms2147 | o | me agas pys |
| pcms2148 | | hag eugh the dre the coske |
| pcms2149 | | me a fyn y examnye |
| pcms2150 | o | a thysempys |
| |
| | | VERSE 361 |
| pcms2151 | | lemyn cryst dus alena |
| pcms2152 | | the thylyfrye me a wra |
| pcms2153 | | mara callaf yredy |
| pcms2154 | | syrys thywhy lowere |
| pcms2155 | | a wotteue ef gene |
| pcms2156 | | may whothfough yn pur deffry |
| |
| | | VERSE 362 |
| pcms2157 | | ny gafaf vy ken ynno |
| pcms2158 | | na blam the vones lethys |
| pcms2159 | | y gase the vos then fo |
| pcms2160 | | nyn sus guel cusyl yn beys |
| |
| | | VERSE 363 |
| Princeps annas | pcms2161 | | gorre then mernans gorre |
| pcms2162 | | yn pren crous a thysempis |
| pcms2163 | | ha kelmys treys ha dule |
| pcms2164 | | ynny hy bethens taclyys |
| Pilatus | pcms2165 | | ottense kemereugh e |
| pcms2166 | | ha crousyough ef a ver spys |
| pcms2167 | | my ny gafaf rum laute |
| pcms2168 | | thy lathe ken fyth yn beys |
| |
| | | VERSE 364 |
| Cayphas | pcms2169 | | yma thynny ny laha |
| pcms2170 | | hag yn certan dre henna |
| pcms2171 | | y coth thotho bos lethys |
| pcms2172 | | drefen ef the leuerel |
| pcms2173 | | y uones map dev huhel |
| pcms2174 | | treytor yv then fey preuys |
| |
| | | VERSE 365 |
| Pilatus | pcms2175 | | mar a leuerys henna |
| pcms2176 | | y examnye my a wra |
| pcms2177 | o | wheth yn pryue |
| pcms2178 | | ihesu del os cowyth da |
| pcms2179 | | lauar a pile osa |
| pcms2180 | o | er the laute |
| |
| | | VERSE 366 |
| pcms2181 | | ny geusyth rak ny wothas |
| pcms2182 | | bos grontys thym gallos bras |
| pcms2183 | | hethew may hallaf dywys |
| pcms2184 | | gallos am bues theth crousye |
| pcms2185 | | ha gallos theth tyllyfrye |
| pcms2186 | | an nyl a vynnyf yn beys |
| |
| | | VERSE 367 |
| Ihc | pcms2187 | | gallos warnaf ny fyes |
| pcms2188 | | na fe y vos grantys thys |
| pcms2189 | | dyworth uhella arloth |
| pcms2190 | | rak henna neb am guerthas |
| pcms2191 | | mur the voy ef re peghas |
| pcms2192 | | ha drok warnotho a goth |
| |
| | | VERSE 368 |
| Nuncius ii | pcms2193 | | syr arluth theugh lowene |
| pcms2194 | | ov arlothes sur gyne |
| pcms2195 | | dre thynnargh agas pygys |
| pcms2196 | | na wrellough cammen lathe |
| pcms2197 | | an profus a nazare |
| pcms2198 | | rak certan mar pyth lethys |
| |
| | | VERSE 369 |
| pcms2199 | | y tue warnough vyngeans tyn |
| pcms2200 | | man gueller a ver termyn |
| pcms2201 | | ha war the fleghys keffrys |
| pcms2202 | | el an leuerys dethy |
| pcms2203 | | haneth ha hy yn guyly |
| pcms2204 | | pur thyfun myns re geusys |
| |
| | | VERSE 370 |
| Pilatus | pcms2205 | | messeger er the laute |
| pcms2206 | | yv guyr thym a leueryth |
| Nuncius ii | pcms2207 | | yv syre war ow ene |
| pcms2208 | | ha henna why a whylfyth |
| Pilatus | pcms2209 | | mar a callaf y wythe |
| pcms2210 | | pur wyr lethys byth ny vyth |
| pcms2211 | | me a wra y ascusie |
| pcms2212 | | mar ver del alla den uyth |
| |
| | | VERSE 371 |
| pcms2213 | | arlythy war ow laute |
| pcms2214 | | ny gafaf ken thy lathe |
| pcms2215 | | na blam uyth ol ynno ef |
| pcms2216 | | rak henna my a gosse |
| pcms2217 | | alemma y thylyffrye |
| pcms2218 | | hep gul dotho na moy gref |
| |
| | | VERSE 372 |
| Cayphas | pcms2219 | | mar an dyllyfryth hep mar |
| pcms2220 | | nyn sos cothman the cesar |
| pcms2221 | | yv agan arluth myghtern |
| pcms2222 | | rag myghtern nep a ym-wra |
| pcms2223 | | er byn cesar eous yma |
| pcms2224 | | hay lathe travyth ny vern |
| |
| | | VERSE 373 |
| Pilatus | pcms2225 | | ordneugh bar the ysethe |
| pcms2226 | | ha me a wra y iugge |
| pcms2227 | | aban reys thymmo porrys |
| Miles i | pcms2228 | | me as ordyn theugh wharre |
| pcms2229 | | cheyrys ha formys plente |
| pcms2230 | | ysethough syre iustis |
| |
| | | VERSE 374 |
| Pilatus | pcms2231 | | an prysners kettep onan |
| pcms2232 | | dre why yn rak dyssempys |
| pcms2233 | | dismas iesmas baraban |
| pcms2234 | | may hallons bones brugys |
| pcms2235 | | hou geiler abarth malan |
| pcms2236 | | dus yn rag hath vaw keffrys |
| Carcerator | pcms2237 | | anon syr iustis certan |
| pcms2238 | | ny a fystyn gans mur greys |
| |
| | | VERSE 375 |
| pcms2239 | | now whypp en tyn me ath pys |
| pcms2240 | | saf yn ban del ym kerry |
| pcms2241 | | rak nans yv pilat serrys |
| pcms2242 | | ow crye kepar ha ky |
| Garcon | pcms2243 | | ken fe y golon terrys |
| pcms2244 | | a henna my ny wraf vry |
| pcms2245 | | mar thues ovn bones knoukys |
| pcms2246 | | fystyn fast alemma thy |
| |
| | | VERSE 376 |
| Pilatus | pcms2247 | | a harlot reth fo drok lam |
| pcms2248 | | ma stryf yntre an thev cam |
| pcms2249 | | ny wrons vry my the crye |
| pcms2250 | | en prysners bras ha byan |
| pcms2251 | | dre why thym kettep onan |
| pcms2252 | | may haller aga iugge |
| |
| | | VERSE 377 |
| Carcerator | pcms2253 | | rum fey pilat re sorras |
| pcms2254 | | me ath pys awos satnas |
| pcms2255 | | doro an laddron yn mes |
| Garcon | pcms2256 | | me a leuer an guyr thys |
| pcms2257 | | the pe yma ow wagys |
| pcms2258 | | ny fynnaf tryge genes |
| |
| | | VERSE 378 |
| Carcerator | pcms2259 | | yn dan ambos ytheses |
| pcms2260 | | ha ken na fe da genes |
| pcms2261 | | gul the seruys ty a wra |
| Garcon | pcms2262 | | ow arfeth byth na whyla |
| pcms2263 | | ahanas gy vn demma |
| pcms2264 | | my ny sensaf yn tor-ma |
| |
| | | VERSE 379 |
| Carcerator | pcms2265 | | me a fyn re thu am ros |
| pcms2266 | | the kemeres gans carios |
| pcms2267 | | hag yn pryson the teulel |
| Garcon | pcms2268 | | me ny sensaf vn bram plos |
| pcms2269 | | an cas yn geth nagh yn nos |
| pcms2270 | | hagh a henna ty a feyl |
| |
| | | VERSE 380 |
| Carcerator | pcms2271 | | myr ha stordy yv an guas |
| pcms2272 | | ha mur y lauarow bras |
| pcms2273 | | ham gorthyby ol dres keyn |
| Garcon | pcms2274 | | alemma bys yn tryger |
| pcms2275 | | war ow fay lacka mester |
| pcms2276 | | ny alsen y thyerbyn |
| |
| | | VERSE 381 |
| Carcerator | pcms2277 | | na wra flattrye na gul ges |
| pcms2278 | | doro an prysnes yn mes |
| pcms2279 | | bo ken syndys ny a vyth |
| Garcon | pcms2280 | | a thesempis lemmyn tav |
| pcms2281 | | thys ny fynnaf bones mav |
| pcms2282 | | kerghy the gy mar mynnyth |
| |
| | | VERSE 382 |
| Carcerator | pcms2283 | | tebel seruont a leuer |
| pcms2284 | | mar serf ef bad y vester |
| pcms2285 | | ke the honan ha gura guel |
| Garcon | pcms2286 | | me a leuer thys yn scon |
| pcms2287 | | guask the vaw an scouoron |
| pcms2288 | | pan fy ef gans mur a nel |
| |
| | | VERSE 383 |
| Carcerator | pcms2289 | | dun yn kergh gans an prysnes |
| pcms2290 | | ke the gy kergh y yn mes |
| pcms2291 | | mos alemma ma hyllyn |
| Garcon | pcms2292 | | me a leuer an cas thys |
| pcms2293 | | y a yl bones kechys |
| pcms2294 | | gans tus war forth theworthyn |
| |
| | | VERSE 384 |
| Carcerator | pcms2295 | | yn della yth il cotha |
| pcms2296 | | a tus warnan yn tor-ma |
| pcms2297 | | na fen harth thaga guythe |
| pcms2298 | | bguel yv thyn don me a grys |
| pcms2299 | | rak dout bos contreweytys |
| pcms2300 | | yn certan pup y clethe |
| |
| | | VERSE 385 |
| Garcon | pcms2301 | | henna yv leuerys da |
| pcms2302 | | guel yv thyn ym-assaya |
| pcms2303 | | yn plath certan kyns mones |
| pcms2304 | | yn vr-na sur me a weyl |
| pcms2305 | | mar a pethyn ny abel |
| pcms2306 | | the wul defens a rak tues |
| |
| | | VERSE 386 |
| Carcerator | pcms2307 | | a pup tu byth war lemmyn |
| pcms2308 | | rak the saye me a vyn |
| pcms2309 | | py par mav os yn tor-ma |
| pcms2310 | | byth war yn ta ath elyn |
| pcms2311 | | y tuche a uer termyn |
| pcms2312 | | gans ov clethe me a wra |
| |
| | | VERSE 387 |
| Garcon | pcms2313 | | me a vyn degy adro |
| pcms2314 | | ha the worre gy then fo |
| pcms2315 | o | a thesempys |
| Carcerator | pcms2316 | | ny wreth wheth war ow ene |
| pcms2317 | | guthyl thymmo vy fye |
| pcms2318 | o | sur me a grys |
| |
| | | VERSE 388 |
| Pilatus | pcms2319 | | hou geiler fystyn toth da |
| pcms2320 | | doro an prysners omma |
| pcms2321 | o | ny clev banne |
| pcms2322 | | a thev harlot res bo spit |
| pcms2323 | | yma theugh mur a thylyt |
| pcms2324 | o | a ymknouke |
| |
| | | VERSE 389 |
| pcms2325 | | hme a thybarth ynterthogh |
| pcms2326 | | hag a wra theugh pennow cough |
| pcms2327 | o | sur me a grys |
| pcms2328 | | fystyneugh a thev pen cok |
| pcms2329 | | dreugh an prysners ol ym lok |
| pcms2330 | o | a thesempys |
| |
| | | VERSE 390 |
| Carcerator | pcms2331 | | a mercy a vester whek |
| pcms2332 | | me as doro pur anwhek |
| pcms2333 | o | a thyragos |
| Garcon | pcms2334 | | ny wren strechye na fella |
| pcms2335 | | scon me as gor alemma |
| pcms2336 | o | vn prys kyns nos |
| |
| | | VERSE 391 |
| pcms2337 | | dismas iesmas deugh yn ban |
| pcms2338 | | ihesu yn weth baraban |
| pcms2339 | | agas brus the resseue |
| pcms2340 | | rak why a scon ahanan |
| pcms2341 | | the pilat re synt malan |
| pcms2342 | | rak yma ow thysethe |
| |
| | | VERSE 392 |
| Carcerator | pcms2343 | | heil pilat syre iustis stout |
| pcms2344 | | heil syre cayphas epscop prout |
| pcms2345 | o | heil pryns annas |
| pcms2346 | | heil doctors ha mestrygi |
| pcms2347 | | marregyon heil heil thywhy |
| pcms2348 | o | byan a bras |
| |
| | | VERSE 393 |
| pcms2349 | | otte barabas ha ihesu |
| pcms2350 | o | gans mur a grys |
| pcms2351 | | dismas iesmas yn vn fu |
| pcms2352 | o | theugh dyuythys |
| |
| | | VERSE 394 |
| Pilatus | pcms2353 | | wolcom ens ren arluth dev |
| pcms2354 | | otte theugh myghtern ihesu |
| pcms2355 | | a thyragough ow seuel |
| Cayphas | pcms2356 | | syr iustys lath e lath e |
| pcms2357 | | yn pren crous gruegh y worre |
| pcms2358 | | del ywe guyv dyougel |
| |
| | | VERSE 395 |
| Pilatus | pcms2359 | | ytho why a vyn porrys |
| pcms2360 | | bos agas myghtern crousys |
| pcms2361 | | ihesu cryst a nazare |
| Cayphas | pcms2362 | | nyn sues myghtern thyn yn beys |
| pcms2363 | | sav syr cesar my a grys |
| pcms2364 | | hag an te war ow ene |
| |
| | | VERSE 396 |
| Pilatus | pcms2365 | | me a leuer theugh certan |
| pcms2366 | | guel yv cregy baraban |
| pcms2367 | | ha dyllyfre an profos |
| Princeps annas | pcms2368 | | syr iustis me agas pys |
| pcms2369 | | rak pask may fo dyllyfrys |
| pcms2370 | | barabas hep skullye y wos |
| |
| | | VERSE 397 |
| Pilatus | pcms2371 | | mar a pythe dylyfrys |
| pcms2372 | | the ihesu pendra vyth gurys |
| pcms2373 | | leuerough thymmo yn scon |
| Cayphas | pcms2374 | | yn pren crous bethens gorrys |
| pcms2375 | | ha treys ha dyulef kelmys |
| pcms2376 | | ha guenys dre an golon |
| |
| | | VERSE 398 |
| Pilatus | pcms2377 | | mara mennough yn della |
| pcms2378 | | leuerough dre py laha |
| pcms2379 | | y coth thotho bos lethys |
| Doctor ii | pcms2380 | | henna yn scon ny a wra |
| pcms2381 | | dren laha an pref yn ta |
| pcms2382 | | dalleth cowyth me ath pys |
| |
| | | VERSE 399 |
| Doctor i | pcms2383 | | by ny heuel dre lagha |
| pcms2384 | | y coth thotho bos dampnys |
| pcms2385 | | tewel auel vn bobba |
| pcms2386 | | a wruk pan fue acussys |
| pcms2387 | | nep a tawo yn pow-ma |
| pcms2388 | | thyrag iug ny fyth iuggys |
| pcms2389 | | ytho dre pup reson da |
| pcms2390 | | ny goth thotho bos crousys |
| |
| | | VERSE 400 |
| Doctor ii | pcms2391 | | er-the-pyn cousaf cowal |
| pcms2392 | | marth am bues ath lauarow |
| pcms2393 | | doctor the geusel mar dal |
| pcms2394 | | gans an bobba casadow |
| pcms2395 | | yth ymwruk pur wyr hep fal |
| pcms2396 | | dev ha den gans whethlow gow |
| pcms2397 | | thotho y coth by my chal |
| pcms2398 | | kyn nagonse bos marow |
| |
| | | VERSE 401 |
| Doctor i | pcms2399 | | doctor nynsyv henna man |
| pcms2400 | | na ny il bos yn della |
| pcms2401 | | den the uerwel yn certan |
| pcms2402 | | awos cous lauarow da |
| pcms2403 | | myreugh worth an vorvoran |
| pcms2404 | | hanter pysk ha hanter den |
| pcms2405 | | y vos dev ha den yn wlan |
| pcms2406 | | then keth tra-na crygyans ren |
| |
| | | VERSE 402 |
| Doctor ii | pcms2407 | | syr doctor lauaraf thys |
| pcms2408 | | ef a goth thotho merwel |
| pcms2409 | | an fer a fue dallethys |
| pcms2410 | | dre tus vas berth yn tempel |
| pcms2411 | | ena rewlys o an beys |
| pcms2412 | | ha lyes onan the wel |
| pcms2413 | | dretho y fue dystrewys |
| pcms2414 | | yn mes y wrugh y teulel |
| |
| | | VERSE 403 |
| Doctor i | pcms2415 | | yma marth thym ahanas |
| pcms2416 | | ty a aswon an scryptor |
| pcms2417 | | ty the vennas sowthanas |
| pcms2418 | | lemmyn yn mes a pup for |
| pcms2419 | | yn chy dev ny goth marghas |
| pcms2420 | | termyn vyth ol war nep cor |
| pcms2421 | | saw y worthye ef hay ras |
| pcms2422 | | nep yv arluth tyr ha mor |
| |
| | | VERSE 404 |
| Doctor ii | pcms2423 | | pur wyr certan an den-ma |
| pcms2424 | | lyes den re wruk treyle |
| pcms2425 | | agan laha ef yma |
| pcms2426 | | pup vr ow contradye |
| pcms2427 | | may coth thotho yn tor-ma |
| pcms2428 | | bones marow hep lettye |
| pcms2429 | | ol an doctorns yn bys-ma |
| pcms2430 | | byth ny yllons y sawye |
| |
| | | VERSE 405 |
| Doctor i | pcms2431 | | thotho ef nyn sos cothman |
| pcms2432 | | del heuel thymmo yn wys |
| pcms2433 | | conciens da na syv certan |
| pcms2434 | | lathe den nag yw cablys |
| pcms2435 | | ny glowys drok nag onan |
| pcms2436 | | ef the wul bythqueth yn beys |
| pcms2437 | | trueth vye den yw gulan |
| pcms2438 | | falslych y vones dyswrys |
| |
| | | VERSE 406 |
| Doctor ii | pcms2439 | | lyes guyth y wruk bostye |
| pcms2440 | | thyso gy del lauara |
| pcms2441 | | terry then dor an temple |
| pcms2442 | | yn try geth y wul arta |
| pcms2443 | | maga ta bythqueth del fue |
| pcms2444 | | ha henna neffre ny wra |
| pcms2445 | | y vevnens nynsus guythe |
| pcms2446 | | na vo marow yn tor-ma |
| |
| | | VERSE 407 |
| Doctor i | pcms2447 | | guyryoneth a reys bos dreys |
| pcms2448 | | aberueth yn mater-ma |
| pcms2449 | | ha lendury kekeffrys |
| pcms2450 | | rag ymsywe y a wra |
| pcms2451 | | yn certan mar a pyth gurys |
| pcms2452 | | sur warlergh an keth dev-ma |
| pcms2453 | | ny fyth ef neffre dyswrys |
| pcms2454 | | dre pur reson vynytha |
| |
| | | VERSE 408 |
| pcms2455 | | ty a fyn y gafos ef |
| pcms2456 | | del heuel thymmo lethys |
| pcms2457 | | nep an latho dev goef |
| pcms2458 | | the den vyth ny wruk trespys |
| pcms2459 | | myschef a goth tyn ha cref |
| pcms2460 | | rak y wos a vyth scollys |
| pcms2461 | | rag ef yv map dev a nef |
| pcms2462 | | del leuaraf an guyr thys |
| |
| | | VERSE 409 |
| Doctor ii | pcms2463 | | me a leuer an guyr thys |
| pcms2464 | | guel yv y vos ef marow |
| pcms2465 | | ys bos an popel kellys |
| pcms2466 | | ha dampnys the tewolgow |
| pcms2467 | | argye na moy thyn ny reys |
| pcms2468 | | na keusel na moy gerryow |
| pcms2469 | | an rewlens ef an iustis |
| pcms2470 | | hag ol an conners an pow |
| |
| | | VERSE 410 |
| pcms2471 | | syr pylat nans yv hy prys |
| pcms2472 | | whar ihesu cryst a rey brueys |
| pcms2473 | o | rak y iugge |
| pcms2474 | | ny a vyn the requyrye |
| pcms2475 | | ha warbarth ol sur crye |
| pcms2476 | o | crucifige |
| |
| | | VERSE 411 |
| Cayphas | pcms2477 | | cryeugh fast gans mur a grys |
| pcms2478 | | may fo an ihesu crousys |
| pcms2479 | o | map an guas gof |
| pcms2480 | | ha barabas dyllyffrys |
| pcms2481 | | nyn sus guel cusyl yn beys |
| pcms2482 | o | pur wyr yn prof |
| |
| | | VERSE 412 |
| Princeps annas | pcms2483 | | syr iustis awos satan |
| pcms2484 | | dyllyrf thynny baraban |
| pcms2485 | | ny ol ath pys dre the voth |
| pcms2486 | | ha crous ihesu an fals guas |
| pcms2487 | | yntre dismas ha iesmas |
| pcms2488 | | rak sur yn della y coth |
| |
| | | VERSE 413 |
| Pilatus | pcms2489 | | aban yv henna laha |
| pcms2490 | | then mernans ol an try a |
| pcms2491 | | ha barabas dyllyffrys |
| Dismas | pcms2492 | | a syre iustis mercy |
| pcms2493 | | geseugh vy the worthyby |
| pcms2494 | | kyns ry brues the vos dyswrys |
| |
| | | VERSE 414 |
| Pilatus | pcms2495 | | aban res an brus vnwyth |
| pcms2496 | | ny fynnaf y ry dywyth |
| pcms2497 | | saw yn tokyn ov bos gulan |
| pcms2498 | | a gous ihesu nazare |
| pcms2499 | | me a wolgh scon ow dule |
| pcms2500 | | a wel theugh kettep onan |
| |
| | | VERSE 415 |
| Cayphas | pcms2501 | | mar tue venians vyth ragtho |
| pcms2502 | | warnan ny ef re gotho |
| pcms2503 | | ha war ol agan fleghas |
| Pilatus | pcms2504 | | may fo crousys ow bres yv |
| pcms2505 | | dismas iesmas ha ihesu |
| pcms2506 | | tormentours yn kettep guas |
| |
| | | VERSE 416 |
| Tortor i | pcms2507 | | syr iustis thys lowene |
| pcms2508 | | my re bue war ow ene |
| pcms2509 | | ov themloth may then pur squyth |
| pcms2510 | | vskys na yllyn ponye |
| pcms2511 | | del esof ov tyene |
| pcms2512 | | ha whys pup goth ol ha lyth |
| |
| | | VERSE 417 |
| Pilatus | pcms2513 | | tormentors yn kettep pen |
| pcms2514 | | gorreugh ihesu yn crous pren |
| pcms2515 | o | a thysympys |
| pcms2516 | | y dreys hay dule yn ten |
| pcms2517 | | gans kentrow worth an plynken |
| pcms2518 | o | bethens tackys |
| |
| | | VERSE 418 |
| pcms2519 | | dismas dotho a thyow |
| pcms2520 | | kelmough fast gans louonow |
| pcms2521 | o | ef yn pren crous |
| pcms2522 | | ha iesmas a barth aral |
| pcms2523 | | kycheugh ef wythowte fal |
| pcms2524 | o | kertheugh hep flous |
| |
| | | VERSE 419 |
| Tortor ii | pcms2525 | + | anon syre somotty thryue |
| pcms2526 | | to the deth pey schal blyue |
| pcms2527 | | yn dyspyt thaga hehen |
| pcms2528 | | com forth ihesu yn ow dorn |
| pcms2529 | | heil myghtern an yethewon |
| pcms2530 | | ty a fyth cowal anken |
| |
| | | VERSE 420 |
| Tortor iii | pcms2531 | | dyskyn y vantel wharre |
| pcms2532 | | rag yn y thyllas arte |
| pcms2533 | | an harlot a vyth guyskys |
| pcms2534 | | sav leuereugh cowethe |
| pcms2535 | | py kefer pren thy crousye |
| pcms2536 | | my ny won kyn fen lethys |
| |
| | | VERSE 421 |
| Tortor iv | pcms2537 | | na my re synt iouyn whek |
| pcms2538 | | a fe rag crous hanter tek |
| pcms2539 | | evn ha cref by god ys fo |
| pcms2540 | | pup cowyth ol prydyrys |
| pcms2541 | | mar tesen vyth yn y vrys |
| pcms2542 | | desmygy pren vas ple fo |
| |
| | | VERSE 422 |
| Tortor i | pcms2543 | | me a leuer hep lettye |
| pcms2544 | | war cedron ov crowethe |
| pcms2545 | | yma pren da ren-ow-thas |
| pcms2546 | | ha hen yv emskemunys |
| pcms2547 | | rak ny allas den yn beys |
| pcms2548 | | anotho gul defnyth vas |
| |
| | | VERSE 423 |
| Tortor ii | pcms2549 | | ow benneth thyso pup deyth |
| pcms2550 | | a henna crous da y feyth |
| pcms2551 | | pan ywe ymskemunys |
| pcms2552 | | ha cryst mylyges yn weth |
| pcms2553 | | dev vylyges y teleth |
| pcms2554 | | warbarth aga bos gorrys |
| |
| | | VERSE 424 |
| Tortor iii | pcms2555 | | dun thy gerhes cowethe |
| pcms2556 | | rag may hyllyn y settye |
| pcms2557 | | yn grous kyngys dos sabot |
| pcms2558 | | how otte an pren omma |
| pcms2559 | | nyn sus tecka yn wlas-ma |
| pcms2560 | | guren crous annotho warnot |
| |
| | | VERSE 425 |
| Tortor iv | pcms2561 | | yntre dev guren y trehy |
| pcms2562 | | rak cafus trus pren dethy |
| pcms2563 | | hay fastie gans ebyl pren |
| pcms2564 | | otte genef vy bony |
| pcms2565 | | me an tregh wharre gynsy |
| pcms2566 | | nyn sparyaf awos anken |
| |
| | | VERSE 426 |
| Tortor i | pcms2567 | | ow benneth thys vynytha |
| pcms2568 | | rak an pren yv trehys da |
| pcms2569 | | ny alse vyth bones guel |
| pcms2570 | | y delly scon me a wra |
| pcms2571 | | rag ebyl parys yma |
| pcms2572 | | thaga fastye dyowgel |
| |
| | | VERSE 427 |
| Tortor ii | pcms2573 | | aban yv an pren tellys |
| pcms2574 | | bethens an ebyl gorrys |
| pcms2575 | | drethe rag aga lacie |
| pcms2576 | | ple kefyr dyv grous aral |
| pcms2577 | | rak an dev ladar hep fal |
| pcms2578 | | leuereugh thym cowethe |
| |
| | | VERSE 428 |
| Tortor iii | pcms2579 | | me a wor ple mons parys |
| pcms2580 | | rag an wesyon ordenys |
| pcms2581 | o | war ow ene |
| pcms2582 | | lemyn dreheueugh an gist |
| pcms2583 | | yv gurys crous war duscoth cryst |
| pcms2584 | o | thy don the dre |
| |
| | | VERSE 429 |
| Tortor iv | pcms2585 | | kemer y ty plos lorden |
| pcms2586 | | syns war the keyn an grous pren |
| pcms2587 | | yma lour the saw thyso |
| pcms2588 | | pur cowal ty a ynny |
| pcms2589 | | ha why losels pup huny |
| pcms2590 | | eugh yn kerth god yeve yow wo |
| |
| | | VERSE 430 |
| Maria | pcms2591 | | ellas a cryst ow map ker |
| pcms2592 | | yn mur payn pan yth welaf |
| pcms2593 | | ellas dre kveth yn clamder |
| pcms2594 | | then dor prag na ymwhelaf |
| pcms2595 | | dre ov map pyth yv ow cher |
| pcms2596 | | pup vr ol yn bynygaf |
| pcms2597 | | ellas ny won py tyller |
| pcms2598 | | byth moy py le y trygaf |
| pcms2599 | -o- | eyghan |
| pcms2600a | o | rag y fynner |
| pcms2600b | o | mara kyller |
| pcms2601 | o | gans paynys mer |
| pcms2602 | o | ow dyswul glan |
| |
| | | VERSE 431 |
| pcms2603 | | ogh govy ellas ellas |
| pcms2604 | | guelas ov map mar dyflas |
| pcms2605 | | gans tebel wesion dyghtys |
| pcms2606 | | a vap the gueth rum lathas |
| pcms2607 | | na allaf gueles yn fas |
| pcms2608 | | kymmys daggrow re olys |
| |
| | | VERSE 432 |
| pcms2609 | | govy ny won pendra wraf |
| pcms2610 | | gallas ow colon pur claf |
| pcms2611 | o | dre pryderow |
| pcms2612 | | ny allaf seuel yn fas |
| pcms2613 | | war ow treys ellas ellas |
| pcms2614 | o | rak galarow |
| |
| | | VERSE 433 |
| Tortor i | pcms2615 | | gueres ty harlot iaudyn |
| pcms2616 | | ha dok an grous war the geyn |
| pcms2617 | | rak nansyv ihesu fethys |
| pcms2618 | | rag guander ef re cothas |
| pcms2619 | | res yv thyso y thyffras |
| pcms2620 | | kemerry a thysempys |
| |
| | | VERSE 434 |
| Symon leprosus | pcms2621 | | me as dek fest yn lowen |
| pcms2622 | | rag y thyffres a anken |
| pcms2623 | | dro hy thymmo war ow scouth |
| pcms2624 | | a thu aso why bylen |
| pcms2625 | | ov lathe guyryon hep ken |
| pcms2626 | | whet vyngeans warnogh a gouth |
| |
| | | VERSE 435 |
| Maria jacobi | pcms2627 | | ogh ellas gouy tru tru |
| pcms2628 | | gueles thyso a ihesu |
| pcms2629 | | kemmys sham ha vyleny |
| pcms2630 | | me a pys an tas a nef |
| pcms2631 | | re thanfono vyngeans cref |
| pcms2632 | | warnough ol kyngys dybry |
| |
| | | VERSE 436 |
| Maria salome | pcms2633 | | a ihesu gouy ragos |
| pcms2634 | | mar tebel dyghtys the vos |
| pcms2635 | | ha ty ov kul kemmys da |
| pcms2636 | | pup vr the othomegyon |
| pcms2637 | | ellas claf yv ow colon |
| pcms2638 | | the vos yn plyt a par-na |
| |
| | | VERSE 437 |
| Ihc | pcms2639 | | myrghes a ierusalem |
| pcms2640 | | na olough na na wreugh drem |
| pcms2641 | | warnaf vy nag onan vyth |
| pcms2642 | | sav warnough agas honan |
| pcms2643 | | ha war gas flehes vyan |
| pcms2644 | | ken the ole why as byth |
| |
| | | VERSE 438 |
| pcms2645 | | rak certan y tue dythyow |
| pcms2646 | | may fenygough an torrow |
| pcms2647 | | nas teve vythqueth flehes |
| pcms2648 | | ha kekyffrys an bronnow |
| pcms2649 | | na thenes flehesyggow |
| pcms2650 | | guyn aga beys er bones |
| |
| | | VERSE 439 |
| pcms2651 | | yn vr-na whreugh pyiadow |
| pcms2652 | | may coththo an mynythyow |
| pcms2653 | | warnough rag evn vthekter |
| pcms2654 | | ha why a pys an runyow |
| pcms2655 | | thagas gorhery hep gow |
| pcms2656 | | kymmys vyth an ponveter |
| |
| | | VERSE 440 |
| Tortor ii | pcms2657 | | a harlot gans the whethlow |
| pcms2658 | | annethe ty ny fyth prow |
| pcms2659 | o | war ow ene |
| pcms2660 | | pur oges yv the ancow |
| pcms2661 | | toul an grous then dor hep gow |
| pcms2662 | o | the wrowethe |
| |
| | | VERSE 441 |
| Tortor iii | pcms2663 | | ye a cowyth da ye |
| pcms2664 | | leuereugh thymmo wharre |
| pcms2665 | | mar cothough ple ma kentrow |
| pcms2666 | | yn pren crous rak y fastie |
| pcms2667 | | eugh the wovyn hep lettye |
| pcms2668 | | worth an gof yn marghes row |
| |
| folio 50v |
| |
| | | VERSE 442 |
| Tortor iv | pcms2669 | | heil ferror lowene thys |
| pcms2670 | | vs teyr spik vras genes gurys |
| pcms2671 | | lauar thym del ym kerry |
| pcms2672 | | rag takkye an fals profus |
| pcms2673 | | yn pren crous gylwys ihesus |
| pcms2674 | | mar nynsus scon ke gura y |
| |
| | | VERSE 443 |
| Faber | pcms2675 | | my ny allaf rum leaute |
| pcms2676 | | gul kenter thywhy bythyth |
| pcms2677 | | rak mar claf yv ow dule |
| pcms2678 | | ny alla handle toul vyth |
| |
| | | VERSE 444 |
| Uxor fabri | pcms2679 | | pur gow a leuer the vyn |
| pcms2680 | | pan sefsys hythew myttyn |
| pcms2681 | | certan yagh ens aga ieyw |
| pcms2682 | | dysweth y a than the glok |
| pcms2683 | | guyv vyes the gafus crok |
| pcms2684 | | me an te ren geyth hythew |
| |
| | | VERSE 445 |
| Faber | pcms2685 | | my as dyswe yn lowen |
| pcms2686 | | nynsus warnethe croghen |
| pcms2687 | | nagyv trogh ha dyruskys |
| pcms2688 | | thymmo vy mar ny greseugh |
| pcms2689 | | ottengy a wel ol theugh |
| pcms2690 | | kepar ha del leuerys |
| |
| | | VERSE 446 |
| Uxor fabri | pcms2691 | | a gadlyng god yeue the wo |
| pcms2692 | | ty re worthyas war nep tro |
| pcms2693 | o | an fals losel |
| pcms2694 | | yagh ens hytheu by my fo |
| pcms2695 | | nep hus ef re wruk thotho |
| pcms2696 | o | pur thyovgel |
| |
| | | VERSE 447 |
| pcms2697 | | ha the thulef claf kyn fons |
| pcms2698 | | hep kentrow byth ny vethons |
| pcms2699 | o | yn surredy |
| pcms2700 | | dus omma scon the whethe |
| pcms2701 | | ha me a thalleth wharre |
| pcms2702 | o | aga gul y |
| |
| | | VERSE 448 |
| Faber | pcms2703 | | a ihesu re by gorthys |
| pcms2704 | | the vos dev ha den keffrys |
| pcms2705 | | lemmyn me a wor yn ta |
| pcms2706 | | guyn vys ynno nep a grys |
| pcms2707 | | rak the weres yv parys |
| pcms2708 | | theth seruygy yn bys-ma |
| |
| | | VERSE 449 |
| Tortor i | pcms2709 | | me a whyth auel guas da |
| pcms2710 | | nynsus den vyth yn pow-ma |
| pcms2711 | o | a whytho guel |
| pcms2712 | | ny won gof yn ol kernow |
| pcms2713 | | a whytho gans mygenow |
| pcms2714 | o | certan byth wel |
| |
| | | VERSE 450 |
| Uxor fabri | pcms2715 | | ty a whyth auel caugh guas |
| pcms2716 | | whyth war gam vyngeans yth glas |
| pcms2717 | | ny dryk gryghonen yn fok |
| pcms2718 | | powes lemmyn losel was |
| pcms2719 | | ha knouk an horn tys ha tas |
| pcms2720 | | mar ny wreth ty a fyth crok |
| |
| | | VERSE 451 |
| Tortor i | pcms2721 | | me a wysk so god me cach |
| pcms2722 | | ha henna gans mur a rach |
| pcms2723 | | may thystenno a uel cor |
| pcms2724 | | nynsus mab gof yn wlas-ma |
| pcms2725 | | a wasko certan mar tha |
| pcms2726 | | ha henna pup ol a wor |
| |
| folio 51r |
| |
| | | VERSE 452 |
| Uxor fabri | pcms2727a | o | guask war an myn |
| pcms2727b | o | reth fo drok pyn |
| pcms2728 | o | a harlot pur |
| pcms2729a | o | bommyn dreys keyn |
| pcms2729b | o | mar pethe yeyn |
| pcms2730 | o | ny thue the gur |
| |
| | | VERSE 453 |
| pcms2731 | | sau kyn fens y morthelek |
| pcms2732 | | the weth vythons then cronek |
| pcms2733 | | ha garow yn y thule |
| pcms2734 | | otte del wyskyth whym wham |
| pcms2735 | | ty uyl losel guask war gam |
| pcms2736 | | ha compys yfl mot thow the |
| |
| | | VERSE 454 |
| Tortor i | pcms2737 | | me a wysk wythowte blam |
| pcms2738 | | mar sens garow the voy scham |
| pcms2739 | o | then fleryys |
| pcms2740 | | myserough tol thy thule |
| pcms2741 | | ha tol thy trys hep lettye |
| pcms2742 | o | bythens scon gurys |
| |
| | | VERSE 455 |
| Tortor ii | pcms2743 | | me a teyl tol rag an nyl |
| pcms2744 | | nynsus guas a west the heyl |
| pcms2745 | o | an tollo guel |
| pcms2746 | | doro kenter er the fyth |
| pcms2747 | | ha me a tak y luef gleth |
| pcms2748 | o | gans ol ow nel |
| |
| | | VERSE 456 |
| Tortor iii | pcms2749 | | my a dyl tol rak hybeen |
| pcms2750 | | a thysempys hep anken |
| pcms2751 | | rag tempre an harlot fol |
| pcms2752 | | ty losel foul y perhen |
| pcms2753 | | ystyn the vregh war an pren |
| pcms2754 | | rum fey ny thue sur then tol |
| |
| | | VERSE 457 |
| Tortor iv | pcms2755 | | ny thue y luef sur then tol |
| Tortor iii | pcms2756 | | na wra cowyth by my pol |
| pcms2757 | | war trois hys me a wor guyr |
| Tortor iv | pcms2758 | | na fors kyn na threhetho |
| pcms2759 | | ken tol ny vyth gurys ragtho |
| pcms2760 | | ny as ten may fons lour hyr |
| |
| | | VERSE 458 |
| Tortor i | pcms2761 | | me a gelm scon lovan tha |
| pcms2762 | | worth conna bregh an adla |
| pcms2763 | | ha why tynneugh agas try |
| pcms2764 | | bys may hetho hy then tol |
| pcms2765 | | hag onan a nel pyth fol |
| pcms2766 | | guyskyns kenter scon ynny |
| |
| | | VERSE 459 |
| Tortor ii | pcms2767 | | my a ten by god ys fast |
| pcms2768 | | may hethe then tol yn hast |
| pcms2769 | | hale tynneugh kettep pen |
| pcms2770 | | y vellow kettep onan |
| pcms2771 | | dyscavylsys yns certan |
| pcms2772 | | lemmyn kentry worth an pren |
| |
| | | VERSE 460 |
| Ihc | pcms2773 | | a tas whek gaf thethe y |
| pcms2774 | | rag ny wothons yn teffry |
| pcms2775 | | py nyl a wrons drok py da |
| pcms2776 | | hag a cothfons yredy |
| pcms2777 | | ny wrussens ov dystrewy |
| pcms2778 | | a tas ker gaf rak henna |
| |
| | | VERSE 461 |
| Tortor iii | pcms2779 | | ay gyfyens me ny rof bram |
| pcms2780 | | yn dyspit the vap the vam |
| pcms2781 | | kenter scon dre the dev tros |
| pcms2782 | | my as guysk may fo drok lam |
| pcms2783 | | ha why kelmogh an dew gam |
| pcms2784 | | yn dyw crous kyns bos prys bos |
| |
| | | VERSE 462 |
| Tortor iv | pcms2785 | | me a gylm an nyl wharre |
| pcms2786 | | otte ow louan gyne |
| pcms2787 | o | rak y gylmy |
| Tortor i | pcms2788 | | ha me a gylm y gyle |
| pcms2789 | | alemma kyns tremene |
| pcms2790 | o | yn surredy |
| |
| | | VERSE 463 |
| Pilatus | pcms2791 | | syrys me re wruk scrife |
| pcms2792 | | agas cheson thy lathe |
| pcms2793 | | tackeugh e a hugh y ben |
| pcms2794 | | ottense parys gyne |
| pcms2795 | | ef yv ihesu nazare |
| pcms2796 | | yv myghtern an yethewen |
| |
| | | VERSE 464 |
| Cayphas | pcms2797 | | na scrif myghtern yethewen |
| pcms2798 | | sau scryf ynno an bylen |
| pcms2799 | | the leuerel y vos ef |
| pcms2800 | | myghtern yethewen certan |
| pcms2801 | | yn della kettep onan |
| pcms2802 | | yn lyuerys my a pref |
| |
| | | VERSE 465 |
| Pilatus | pcms2803 | | me a worthyp theugh wharre |
| pcms2804 | | an pyth a scrifys scrifis |
| pcms2805 | | na ken ny scrifaf neffre |
| pcms2806 | | awes dout bones lethys |
| Princeps annas | pcms2807 | | drou e thymmo the tackye |
| pcms2808 | | a vgh y pen gans mur greys |
| pcms2809 | | may hallo pup y redye |
| pcms2810 | | gour ha benen kekyffrys |
| |
| | | VERSE 466 |
| Tortor ii | pcms2811 | | yn hanow an tas satan |
| pcms2812 | | drehefough an grous yn ban |
| pcms2813 | | ha dyllefryeugh hy thy le |
| pcms2814 | | how hale kettep onan |
| pcms2815 | | gesough hy a bart malan |
| pcms2816 | | yn morter skuat the gothe |
| |
| | | VERSE 467 |
| Tortor iii | pcms2817 | | hemma yv sur iag an pla |
| pcms2818 | | y gorf yw krychyllys da |
| pcms2819 | o | certan ganso |
| pcms2820 | | en thyv grous erel yn ban |
| pcms2821 | | dreheveugh kettep onan |
| pcms2822 | o | god yeue yow wo |
| |
| | | VERSE 468 |
| Tortor iv | pcms2823 | | me ham cowyth yn certan |
| pcms2824 | | a dreha dismas yn ban |
| pcms2825 | | gueres lemmyn me ath pys |
| pcms2826 | | ha why dreheueugh ybeyn |
| pcms2827 | | may farwe an thew vylen |
| pcms2828 | | quyk hep hokkye bethens gurys |
| |
| | | VERSE 469 |
| Tortor i | pcms2829 | | me a wra gans bones mal |
| pcms2830 | | hale hale op as schal |
| pcms2831 | o | dun mar syv prys |
| pcms2832 | | geseugh y the thysplevyas |
| pcms2833 | | ha heilyough an myghtern bras |
| pcms2834 | o | a thysempys |
| |
| | | VERSE 470 |
| Cayphas | pcms2835 | | mygthern yethewon yth se |
| pcms2836 | | heil thyso ha lowene |
| pcms2837 | | gentyl ythos ysethys |
| pcms2838 | | a garsesta bynene |
| pcms2839 | | mar mynnyth war ow ene |
| pcms2840 | | me a gergh onan dek thys |
| |
| | | VERSE 471 |
| Tortor ii | pcms2841 | | me a vyn lemmyn ranne |
| pcms2842 | | yntrethon ol y thyllas |
| pcms2843 | | ha my as ran dygh wharre |
| pcms2844 | | hep fout vyth ol renothas |
| Tortor iii | pcms2845 | | dyeth mur yv thym skuerdye |
| pcms2846 | | na terry pous an plos was |
| pcms2847 | | teulel pren myl wel vye |
| pcms2848 | | pan vons squerdys ny vyth vas |
| |
| | | VERSE 472 |
| Tortor iv | pcms2849 | | otte III pren gyne vy |
| Tortor i | pcms2850 | | tan hemma gor ganse y |
| pcms2851 | | ha henna yv pyswere |
| Tortor ii | pcms2852 | | lemmyn dyskuth ha lauar |
| pcms2853 | | pyv an pren abew hep mar |
| pcms2854 | | pous ihesu an nazare |
| |
| | | VERSE 473 |
| Tortor iii | pcms2855 | | henna aspew yn certan |
| pcms2856 | | why a wor kettep onan |
| pcms2857 | o | py pren ywe |
| Tortor iv | pcms2858 | | re synt iouyn me aspew |
| pcms2859 | | kymerens pup ran ay tu |
| pcms2860 | o | degens the dre |
| |
| | | VERSE 474 |
| Cayphas | pcms2861 | | fy thyso pan leuersys |
| pcms2862 | | temple dev yn tystrewys |
| pcms2863 | | hag arte kyn pen try dyth |
| pcms2864 | | guel ys kyns yn dreheuys |
| pcms2865 | | mar sos map dev a ver brys |
| pcms2866 | | ym-saw scon a throkeleth |
| |
| | | VERSE 475 |
| Princeps annas | pcms2867 | | mara sose map dev mvr |
| pcms2868 | | dyeskyn an vynk then lur |
| pcms2869 | | ha dyswe ran ath veystry |
| pcms2870 | | hag yn vr-na martesen |
| pcms2871 | | theth lauarow y kresen |
| pcms2872 | | hag ath caruyth bynary |
| |
| | | VERSE 476 |
| Cayphas | pcms2873 | | ef a allas dyougel |
| pcms2874 | | del glowys y leuerel |
| pcms2875 | o | yn lyes le |
| pcms2876 | | savye bewnens tus erel |
| pcms2877 | | lemmyn y honan ny yl |
| pcms2878 | o | sur ym-sawye |
| |
| | | VERSE 477 |
| Princeps annas | pcms2879 | | mar syv myghtern israel |
| pcms2880 | | leueryn ol thotho heil |
| pcms2881 | | hag an grous dyeskennes |
| pcms2882 | | mar a qureva yn della |
| pcms2883 | | crysy thotho ny a wra |
| pcms2884 | | y vos profus bynyges |
| |
| | | VERSE 478 |
| Cayphas | pcms2885 | | yn y thev y wruk fythye |
| pcms2886 | | lemmyn gurens y thyllyffrye |
| pcms2887 | o | mar myn a throk |
| pcms2888 | | menough ef a wruk bostye |
| pcms2889 | | y vos map dev thy lawe |
| pcms2890 | o | arluth an gok |
| |
| | | VERSE 479 |
| Jesmas | pcms2891 | | mar soge cryst map dev ker |
| pcms2892 | | ym-sav scon yn nep maner |
| pcms2893 | o | na vy marow |
| pcms2894 | | ha saw ny gynes yn weth |
| pcms2895 | | nan beyn mar hager thyweth |
| pcms2896 | o | na mar garow |
| |
| | | VERSE 480 |
| Dismas | pcms2897 | | taw foul a soge gocky |
| pcms2898 | | na thowtyth dev a vercy |
| pcms2899 | | ha ty dampnys then mernens |
| pcms2900 | | kepar hag ef on crousys |
| pcms2901 | | ha dre wyr vreus quyt iuggys |
| pcms2902 | | rak agan drok ober kens |
| |
| | | VERSE 481 |
| pcms2903 | | ny wruk an den-ma vythqueth |
| pcms2904 | | war an bys-ma drokoleth |
| pcms2905 | | na ny peghes war nep cor |
| pcms2906 | | arluth cryst me ath pysse |
| pcms2907 | | a prydiry ahane |
| pcms2908 | | pan vyse yn the wlascor |
| |
| | | VERSE 482 |
| Ihc | pcms2909 | | pur wyr a lauaraf thys |
| pcms2910 | | gynef hythow ty a vyth |
| pcms2911 | | rak the fey yn paradys |
| pcms2912 | | kyngys hanter dogha geyth |
| |
| | | VERSE 483 |
| Tortor iv | pcms2913 | | ty a fyth cowal drok lam |
| pcms2914 | | ny vyn an vyl harlot cam |
| pcms2915 | | awos an bys dywethe |
| pcms2916 | | kerghyn longys an guas dal |
| pcms2917 | | gans guv the wane an gal |
| pcms2918 | | yn y golon dybite |
| |
| | | VERSE 484 |
| Tortor i | pcms2919 | | henna me a wra rum soul |
| pcms2920 | | rak ny won yn beys guel toul |
| pcms2921 | | thyn the wruthyl then kaugeon |
| pcms2922 | | pan fo guv yn y thule |
| pcms2923 | | me a hyrgh thotho hertye |
| pcms2924 | | hag an gy evn thy golon |
| |
| | | VERSE 485 |
| Ihc | pcms2925 | | benen a welte the flogh |
| pcms2926 | | myl wyth dyghtys ages brogh |
| pcms2927 | o | gans nep mylgy |
| pcms2928 | | ha iowan otte the vam |
| pcms2929 | | yn della syns y hep nam |
| pcms2930 | o | hedre vywhy |
| |
| | | VERSE 486 |
| Maria | pcms2931 | | ellas ellas ogh tru tru |
| pcms2932 | | yn ov colon a syw bern |
| pcms2933 | | pan welaf ov map ihesu |
| pcms2934 | | a dro thy pen curyn spern |
| pcms2935 | | hag ef map dev a vertu |
| pcms2936 | | ha gans henna guyr myghtern |
| pcms2937 | | treys ha dyvlef a pup tu |
| pcms2938 | | fast tackyes gans kentrow hern |
| pcms2939 | -o- | ellas |
| pcms2940a | o | es byth deyth brues |
| pcms2940b | o | mur a anfues |
| pcms2941 | o | y kyk hay knes |
| pcms2942 | o | nep an guerthas |
| |
| | | VERSE 487 |
| pcms2943 | | ogh gouy rak ow map ker |
| pcms2944 | | the weles yn keth vaner |
| pcms2945 | | may whelaf lemmyn dyghtys |
| pcms2946 | | ellas na varwen yn weth |
| pcms2947 | | na fe kynse ow dyweth |
| pcms2948 | | ys dyweth ow map yn beys |
| |
| | | VERSE 488 |
| Johannes | pcms2949 | | a vam whek na porth a wer |
| pcms2950 | | rak neffre yn pup maner |
| pcms2951 | | me a vyth prest parys thys |
| pcms2952 | | both the vap yw yn della |
| pcms2953 | | rak selwel kemmys yv da |
| pcms2954 | | aban fue adam formys |
| |
| | | VERSE 489 |
| Ihc | pcms2955a | - | a tas ely eloy |
| pcms2955b | - | lama zabatany |
| pcms2956 | o | os ow dev ker |
| pcms2957a | o | prag ym gyssys |
| pcms2957b | o | tuch theworthys |
| pcms2958 | o | yn neb maner |
| |
| | | VERSE 490 |
| Tortor i | pcms2959 | | yma ow kelwel ely |
| pcms2960 | | aspyugh lemmyn bysy |
| pcms2961 | | mar a tue the thylyffre |
| pcms2962 | | mar an dylyrf yredy |
| pcms2963 | | ny a wra ynno crygy |
| pcms2964 | | hag an gorth pur wyr neffre |
| |
| | | VERSE 491 |
| Centurio | pcms2965 | | me a vyn mos the vyras |
| pcms2966 | | fattel yw gans ihesu ker |
| pcms2967 | | dyeth vye the den mas |
| pcms2968 | | bos gurys mar ver a vysmer |
| pcms2969 | | a pe-ue den drok y gnas |
| pcms2970 | | ny alse yn nep maner |
| pcms2971 | | pur wyr cafus mar mur ras |
| pcms2972 | | rak sawye tus dre vn ger |
| |
| | | VERSE 492 |
| Tortor ii | pcms2973 | | nynsyv ely a gylwa |
| pcms2974 | | seghes sur thotho yma |
| pcms2975 | | ef an geve drok wyras |
| pcms2976 | | ottense gynef parys |
| pcms2977 | | bystel eysel kymyskys |
| pcms2978 | | wassel marsus seghes bras |
| |
| | | VERSE 493 |
| Ihc | pcms2979 | | seghes thymmo vy yma |
| Tortor iii | pcms2980 | | otta dywes thys omma |
| pcms2981 | | prag na wreta y efe |
| pcms2982 | | kyns ty a wre meystry thyn |
| pcms2983 | | lemmyn an grous dyyskyn |
| pcms2984 | | ha ny a wra the worthye |
| |
| | | VERSE 494 |
| Ihc | pcms2985 | | a tas yntre the thule |
| pcms2986 | | my a gemmyn ow spyrys |
| pcms2987 | | dre the voth thys kemer e |
| pcms2988 | | then bys del yn danfensys |
| |
| | | VERSE 495 |
| Tortor iv | pcms2989 | | a thev iouyn luen a ras |
| pcms2990 | | hemma yv tewolgow bras |
| pcms2991 | | fattel e ny war tu tre |
| pcms2992 | | an hovl y lyw re gollas |
| pcms2993 | | me a grys ny re peghas |
| pcms2994 | | hytheu bras worth y lathe |
| |
| | | VERSE 496 |
| Tortor i | pcms2995 | | yma an dor ow krenne |
| pcms2996 | | seuel vn wyth ny yllyn |
| pcms2997 | | ny won fattel en the tre |
| pcms2998 | | gouy vyth pan yn lytthyn |
| |
| | | VERSE 497 |
| Tortor ii | pcms2999 | | han bethow ow thegery |
| pcms3000 | | me as guel war ow ene |
| pcms3001 | | mar strechyn omma na moy |
| pcms3002 | | ny agan byth y drege |
| |
| | | VERSE 498 |
| Tortor iii | pcms3003 | | longys reys yv thys gyne |
| pcms3004 | | vn pols byan lafurye |
| pcms3005 | | dre worhemmyn an iustis |
| Longeus | pcms3006 | | me a geneugh yn lowen |
| pcms3007 | | mar callen guthyl hehen |
| pcms3008 | | a socor nag a seruys |
| |
| | | VERSE 499 |
| Tortor iv | pcms3009 | | nebes seruys ty a wra |
| pcms3010 | | tan syns yth dorn an giu-na |
| pcms3011 | | ha herthye gans nerth yn ban |
| Longeus | pcms3012 | | me an herth guel ha gyllyf |
| pcms3013 | | na vlamyough vy kyn fyllyf |
| pcms3014 | | rak dal of ny welaf man |
| |
| | | VERSE 500 |
| Tortor i | pcms3015 | | benet sewys syre longys |
| pcms3016 | | synt iouyn whek reth caro |
| pcms3017 | | henna yv pyth a thyuys |
| pcms3018 | | gallas lemmyn lour ganso |
| |
| | | VERSE 501 |
| Longeus | pcms3019a | o | arluth thym gaf |
| pcms3019b | o | del yth pysaf |
| pcms3020 | o | war pen dewlyn |
| pcms3021a | o | an pyth a wren |
| pcms3021b | o | my ny wothyen |
| pcms3022 | o | rag ny wylyn |
| |
| | | VERSE 502 |
| pcms3023a | o | hag a quellen |
| pcms3023b | o | my nyn grussen |
| pcms3024 | o | kyn fen lethys |
| pcms3025a | o | rak del won sur |
| pcms3025b | o | map dev os pur |
| pcms3026 | o | yn beys gynys |
| |
| | | VERSE 503 |
| pcms3027a | o | a vaghtyth glan |
| pcms3027b | o | vn vap certan |
| pcms3028 | o | os then das du |
| pcms3029a | o | ow ham wyth bras |
| pcms3029b | o | gaf thym a tas |
| pcms3030 | o | dre the vertu |
| |
| | | VERSE 504 |
| Lucifer | pcms3031 | | ogh my re bue boghes coynt |
| pcms3032 | | hagh eth yn rak re a poynt |
| pcms3033 | | pur wyr pan wruk the pylat |
| pcms3034 | | lathe cryst rag ef gans cam |
| pcms3035 | | a gergth thyworthyn adam |
| pcms3036 | | hag eua ha lyes smat |
| |
| | | VERSE 505 |
| pcms3037 | | ha rag henna satenas |
| pcms3038 | | ha belsabuk dun toth bras |
| pcms3039 | | the prenne agan yettys |
| pcms3040 | | rag mar tue thagan porthow |
| pcms3041 | | ef a ter an darasow |
| pcms3042 | | hag a thylyrf an chettys |
| |
| | | VERSE 506 |
| Belsebuc | pcms3043 | | ow arluth ker lucifer |
| pcms3044 | | dyspleytys yw y uaner |
| pcms3045 | | ha kelmys worth an grous pren |
| pcms3046 | | mar ethuk yv the weles |
| pcms3047 | | may tyglyn an tybeles |
| pcms3048 | | pan yn guellons kettep pen |
| |
| | | VERSE 507 |
| Satanas | pcms3049 | | me a bar daras an yet |
| pcms3050 | | na gergho alemma chet |
| pcms3051 | o | kyn fo mar fol |
| pcms3052 | | rag mar a tuefe yn chy |
| pcms3053 | | ef as gor theworthyn ny |
| pcms3054 | o | yn kettep pol |
| |
| | | VERSE 508 |
| Lucifer | pcms3055 | | belsebuc whek wheyth the corn |
| pcms3056 | | ha galwy dre a pup sorn |
| pcms3057 | o | an thewolow |
| pcms3058 | | mara keller y wythe |
| pcms3059 | | a chy na alla yntre |
| pcms3060 | o | then darasow |
| |
| | | VERSE 509 |
| Belsebuc | pcms3061 | | me a whyth gans mur a grys |
| pcms3062 | | kynyuer dyaul vs yn beys |
| pcms3063 | | certan yn ta may clewfo |
| pcms3064 | | rak mara kylle entre |
| pcms3065 | | agy then yet rum leute |
| pcms3066 | | ef a wra thynny drok tro |
| |
| | | VERSE 510 |
| Satanas | pcms3067 | | sytteugh gystys worth an yet |
| pcms3068 | | agas dywscoth kettep chet |
| pcms3069 | | hertheugh worty hy yn weth |
| pcms3070 | | mar tue aberueth certan |
| pcms3071 | | an harlos kettep onan |
| pcms3072 | | ef as dyllyrf war ow feyth |
| |
| | | VERSE 511 |
| Lucifer | pcms3073 | | a harlos yn kettep guas |
| pcms3074 | | hertheugh vynyons y ges glas |
| pcms3075 | | py ken why as byth drok lam |
| pcms3076 | | rag yma ef sur deffry |
| pcms3077 | | ov toen ol agan maystry |
| pcms3078 | | me a grys ny dal uyth bram |
| |
| | | VERSE 512 |
| Centurio | pcms3079 | | yn guyryoneth an den-ma |
| pcms3080 | | yv map dev an nef aban |
| pcms3081 | | droka ober o henna |
| pcms3082 | | lathe map dev y honan |
| |
| | | VERSE 513 |
| pcms3083 | | an houl ny golse y lyw |
| pcms3084 | | awos map den the verwel |
| pcms3085 | | na corf dasserhy the vew |
| pcms3086 | | na dor grys yn tyougel |
| pcms3087 | | y vos map dev da y syw |
| pcms3088 | | pan dorras queth an tempel |
| pcms3089 | | drok pys of ren geyth hythew |
| pcms3090 | | mar vskys ef the verwel |
| |
| | | VERSE 514 |
| pcms3091 | | du a syv emskemunys |
| pcms3092 | | nep re ordenes y lathe |
| pcms3093 | | pur wyr y fythons dampnys |
| pcms3094 | | the tan yfarn droka le |
| pcms3095 | | govy y vones lethys |
| pcms3096 | | kemmys dader prest a wre |
| pcms3097 | | y thadder yw drok tylys |
| pcms3098 | | pan yn lathsons dy byte |
| |
| | | VERSE 515 |
| Nichodemus | pcms3099 | | iosep baramathia |
| pcms3100 | | whyla corf map maria |
| pcms3101 | | theworth pylat an iustis |
| pcms3102 | | rag marow yn grous yma |
| pcms3103 | | y enclethyes vye da |
| pcms3104 | | map dev o thyn danfenys |
| |
| | | VERSE 516 |
| Joseph | pcms3105 | | marsyw marow ihesu ker |
| pcms3106 | | neffre theweth vyth ov cher |
| pcms3107 | | lyes torn da yn bys-ma |
| pcms3108 | | re wruk the vohosugyon |
| pcms3109 | | sawye pup eghen clefyon |
| pcms3110 | | a vewhe yn bewnans da |
| |
| | | VERSE 517 |
| pcms3111 | | heyl thys nob a syre iustis |
| pcms3112 | | ro thym kummeas me ath pys |
| pcms3113 | | a kymeres corf ihesu |
| pcms3114 | | yv yn pren crous tremenys |
| pcms3115 | | may hallo bos anclethys |
| pcms3116 | | yn beth men the voth marsyw |
| |
| | | VERSE 518 |
| Pilatus | pcms3117 | | me a grys hep falladow |
| pcms3118 | | nynsyv ihesu tremenys |
| pcms3119 | | centurie lauar hep gow |
| pcms3120 | | an guyryoneth me ath pys |
| Centurio | pcms3121 | | the an drow nans o marow |
| pcms3122 | | ha daskerys y spyrys |
| pcms3123 | | rag an houl y lyw golow |
| pcms3124 | | a gollas pan eth an beys |
| |
| | | VERSE 519 |
| Pilatus | pcms3125 | | me a vynse y wythe |
| pcms3126 | | ha ny yllyn cammen vyth |
| pcms3127 | | pup ol ese ow crye |
| pcms3128 | | y lathe awos trauyth |
| pcms3129 | | yn lowen thys kemer e |
| pcms3130 | | rak neghys by ny bethyth |
| pcms3131 | | hag yn beth men anclath e |
| pcms3132 | | y cafus aban vynnyth |
| |
| | | VERSE 520 |
| Joseph | pcms3133 | | grant mercy syre iustis |
| pcms3134 | | ef a vyth sur anclethys |
| pcms3135 | | yn le na fue den bythqueth |
| pcms3136 | | yn alabauster grauys |
| pcms3137 | | ragof y fue ordynys |
| pcms3138 | | maga whyn auel an leth |
| |
| | | VERSE 521 |
| Nichodemus | pcms3139 | | iosep vs thyso cummyas |
| pcms3140 | | an corf ker the anclethyas |
| pcms3141 | | dun thy gymeres then lur |
| pcms3142 | | marsues grannt thyso grantyys |
| pcms3143 | | otte myr gynef parys |
| pcms3144 | | cans puns ha henna yv mur |
| |
| | | VERSE 522 |
| Joseph | pcms3145 | | nychodemus cowyth da |
| pcms3146 | | cummyas grantyys thym yma |
| pcms3147 | | thy anclethyas yn lowen |
| pcms3148 | | fystynyn thotho wharre |
| pcms3149 | | vs pynsor thys the tenne |
| pcms3150 | | an kentrow yn mes an pren |
| |
| | | VERSE 523 |
| Nichodemus | pcms3151 | | otte pynsor da parys |
| pcms3152 | | me as ten a thysempys |
| pcms3153 | | an thyv yn mes ay thywle |
| pcms3154 | | hag ay thew tros kekyffrys |
| pcms3155 | | iosep whek resceu e thys |
| pcms3156 | | hag yn cendal glan maylye |
| |
| | | VERSE 524 |
| Joseph | pcms3157 | | pur lowen ren arluth dev |
| pcms3158 | | ha lowenne a pe bev |
| pcms3159 | | drou e yntre ow dywvregh |
| pcms3160 | | otte cendal glan a les |
| pcms3161 | | parys rag y enclethyes |
| pcms3162 | | an lathas mur yv y begh |
| |
| | | VERSE 525 |
| Maria | pcms3163 | | arlythy caradowyon |
| pcms3164 | | dreugh thym ow map cuf colon |
| pcms3165 | | ha gesough vy thy handle |
| pcms3166 | | ellas rak y gallarow |
| pcms3167 | | yensen ov bones marow |
| pcms3168 | | yn della y voth a pe |
| |
| | | VERSE 526 |
| pcms3169 | + | ellas a vap myghtern yth tron |
| pcms3170 | + | ellas gueles tol yth colon |
| pcms3171 | o | marow na vef |
| pcms3172 | + | ellas bones the treys squerdys |
| pcms3173 | + | ol the yscarn dyscavylsys |
| pcms3174 | o | tel yth dyvluef |
| |
| | | VERSE 527 |
| pcms3175 | + | sav bytegyns pan yth welaf |
| pcms3176 | + | bos hep hyreth my ny allaf |
| pcms3177 | o | ha nyn syv marth |
| pcms3178 | + | myres y gorf del yv squerdys |
| pcms3179 | + | yscarn map dev dygavelsys |
| pcms3180 | o | ha dev warbarth |
| |
| | | VERSE 528 |
| pcms3181 | | a ihesu ow map ellas |
| pcms3182 | | yssyw hemma trueth bras |
| pcms3183 | | bos the corf ker golyys |
| pcms3184 | | gans tebel popel ogh ogh |
| pcms3185 | | namnag yv ow colon trogh |
| pcms3186 | | rak galarow ha peynys |
| |
| | | VERSE 529 |
| pcms3187 | | my a yl bos morethek |
| pcms3188 | | guelas ow map mar anwhek |
| pcms3189 | o | dyghtys del yv |
| pcms3190 | | nep yv arluth luen a ras |
| pcms3191 | | gouy vyth ellas ellas |
| pcms3192 | o | ragos ihesu |
| |
| | | VERSE 530 |
| pcms3193 | | a thu guyn ov bys neffre |
| pcms3194 | | the gorf ker galles handle |
| pcms3195 | | rag map dev os me a grys |
| Nichodemus | pcms3196 | | gas vy lemmyn thy hure |
| pcms3197 | | yn queth kyns ys y vayle |
| pcms3198 | | gans aloes mer keffrys |
| |
| | | VERSE 531 |
| pcms3199 | | hag y a wyth y vody |
| pcms3200 | | na potre bys vynary |
| pcms3201 | | kyn fe yn beth myl vlythen |
| pcms3202 | | nay groghen vn wyth terry |
| pcms3203 | | vrys da yv yredy |
| pcms3204 | | lemmyn mayl e yn lyen |
| |
| | | VERSE 532 |
| Joseph | pcms3205 | | me an mayl scon war ow feyth |
| pcms3206 | | lemmyn gorryn ef yn beyth |
| pcms3207 | | ewnyn an men warnotho |
| pcms3208 | | y worthye thyn y teleth |
| pcms3209 | | rak y worthye an eleth |
| pcms3210 | | a fue danfenys thotho |
| |
| folio 55v |
| |
| | | VERSE 533 |
| Nichodemus | pcms3211 | | ewne an men me a wra |
| pcms3212 | | a wottense ewnys da |
| pcms3213 | | dun ny lemmyn war tu tre |
| pcms3214 | | an tas dev a wruk pup tra |
| pcms3215 | | joy the pup vs yn bys-ma |
| pcms3216 | | yn bevnans gulan dywethe |
| |
| | | VERSE 534 |
| pcms3217 | | gosloweugh ol a tus vas |
| pcms3218 | | bennath ihesu luen a ras |
| pcms3219 | | theugh keffrys gor ha benen |
| pcms3220 | | fatel fue crist mertheryys |
| pcms3221 | | rak kerenge tus an beys |
| pcms3222 | | why a welas yn tyen |
| |
| | | VERSE 535 |
| pcms3223 | | why a preder ay passyon |
| pcms3224 | | pup den ol yn y colon |
| pcms3225 | | hag an guyth stedfast ha len |
| pcms3226 | | ny fue ragtho y honan |
| pcms3227 | | yn gothefys ef certan |
| pcms3228 | | mas rak kerenge map den |
| |
| | | VERSE 536 |
| pcms3229 | | dysque thotho kerenge |
| pcms3230 | | gans the colon y worthye |
| pcms3231 | o | gura deth ha nos |
| pcms3232 | | pan fy an bys tremenys |
| pcms3233 | | gans crist y fythyth trygys |
| pcms3234 | o | a-gy thy clos |
| |
| | | VERSE 537 |
| pcms3235 | | bennath ihesu theugh neffre |
| pcms3236 | | ha henna prest me a pys |
| pcms3237 | | ens pup ol war tuhe tre |
| pcms3238 | | an guary yv dywythys |
| pcms3239 | o | ha deugh avar |
| pcms3240 | | avorow my agas pys |
| pcms3241 | | the welas fetel sevys |
| pcms3242 | | cryst mes an beth clor ha war |